برودي في العلاقة مع زوجي سيؤدي لطلاقنا

متزوجة من 13 سنة عن قصة حب من زميلي في الجامعة ولدي طفلان وحامل في التالت مشكلتي مع زوجى تخص العلاقة الخاصة منذ اليوم الأول للزواج ونحن على خلاف دائم بسببها تزوجت لأنني أحببته ولم اتخيل نفسي زوجة لغيره ...اكتشفت بعد الزواج أن الحب شئ والجنس شئ آخر ...أرى مشاهد الحب في الأفلام اتمنى اعيش مثلها وعندما يقترب منى لا أشعر باى متعة لا أنكر انه حاول معى بالكلام الطيب والهدايا ولكنه بيفتح باب مغلق سنين بنفس المفتاح وكل مرة يتساءل لماذا لا يفتح الباب ...احبه ولا احب لحظات الجنس معه حاول أن يغير الطريقة ولكن كل مرة يختار طريقة أسوء وكأن اختياراتي أصبحت بين السئ والاسوء...يتهمنى بالبرود ولكنى اتأثر بالعلاقات الزوجية الناجحة حولى والقصص الرومانسية و من داخلى نفسي اعيش ليلة رومانسية واصحى مبسوطة وأجرى من السعادة الداخلية ولما افتكرها في الصباح اضحك...نفسي احب العلاقة الخاصة واعيش حياة طبيعية لأنني احبه تحدثنا كثيرا وكل مرة تقلب بخناقة وزعل وقول في نفسي ياريتني ما اتكلمت وكنت مثلت المتعة زى كل مرة وخلاص يمكن المشكلة انى مش عارفة اعبر عن اللى انا عايزاه في العلاقة بس انا قولت اللى انا مش عايزاه وبرده بيعملوه وهو جرب حاجات وكلها مملة وتضايق مفيش مقدمات إلا على السرير ومدتها قصيره ولما ببعد ايده بيزعل مع ان بكون مش عايزة الحركة دى دلوقتي مش معناه رفض كلى لشخصه بس معناها انها مش مناسبة دلوقتى ...ومش بحب انه يوصلني الأول وبعدين نبتدي من الصفر في توصيله هو ...ساعات كتير بوصل بالعافية علشان ما يزعلش ...الحياة دلوقتى وصلت لمفترق طرق واحنا بنفكر في الانفصال لولا الاولاد بيننا