زوجي طلبني لبيت الطاعة رغم إصراري على الطلاق

تزوجت إنسان عصبي و كل شي يطلع بالعالي.. كان ايام الخطوبة كل ما أعترض على شي يطلع بالعالي و ما بيتفاهم بهدوء اشترى غرفة نوم مستعملة و مكسرة اعترضت لانه حلو العروسة تدخل على شي جديد و اهلي اعترضو صرخ و زعل و قاطعني و انا سكتت و رضيت قلت بشتري راجل مش عفش هاد من موقف من بين كتير مواقف كان على اي شي يصرخ قلت بعد الزواج بتغير.. اتزوجنا و صارت معاملته أصعب يطلع بالعالي اكتر و لا بعجبه اي شي إنسان منتقد و دقيق و اول مشكله ضربني هو الي دخل اهلي بالمشكلة و لما شاف والدي وقفه عند حده و حكاله كلشي إلا الضرب من هداك اليوم و هو بزيد في ضربي و اهانتي و يهين بي امام اهله و يشتكي لأصدقائه عني بإستمرار و كمان لصديقاته للأسف قرأت على الواتس بمبايله و كل حياتنا بيعرفو عنها كلشي... شكيته في التوجيه الاسري و تعهد بعدم الضرب و لما رجعت و أمنتله زادت اهانته و ضربه و سي اهلي و قذف و اهمال و قالي انا رجعتك علشان الولد و بقي هيك سنة كامل و انا بسكت عن الضرب و هو بزيد و أهله معه مساندينه... آخر مرة ضربني خلص بطلت اتحمل شكيت عليه للشرطة و عملت تقرير بالضرب و طلعت مسباته عواتس و القذف اقسم انه ما ضربني ولا كان موجود بالبيت و هاد التقرير مزور المحكمة برئته من الضرب لكن حاكمته بالقذف.. رفعت عليه نفقة قام رفع تظلم و هينا بالمحاكم... و الحين طالبني بيت طاعة في التوجيه الاسري و انا مصممة على الطلاق و هو رافض.. افيدوني كيف أقدر احصل على الطلاق؟ خلص استحاله ارجع الذل و الضرب و الاهانه انا تعبت و كبرت بينا الفجوة و الشقاق..