عندما أزور أهلي يهملني و ينساني تماماً

السلام عليكم اخوتي واخواتي فعلا اعتبركم اخوتي واخواتي وأتألم عند رؤيتي لمشاكلكم كأنها تخصني شخصيا والان انا بحاجة لنصيحتكم ومساعدتكم من خلال خبراتكم وخصوصا الرجال ...انا متزوجة من ثلاث سنين تقريبا والحمدلله وضعي انا وزوجي كله تمام كل واحد فينا قايم بحقوق الثاني ع اكمل وجه فيه بعض مشاكل لكن ولله الحمد قادرة اتعامل معاها بعون ربي لكن الشي اللي ماني لاقية له حل هو اني اسكن بمنطقه خارج منطقة اهلي وازورهم مره بالشهر واقعد عندهم اسبوع خلال هالاسبوع زوجي ابدا مايرفع علي سماعه يتصل يسأل عني او يتطمن علي او يحسسني انه عندي زوج مهتم عالاقل من يوم يحطني عندهم مااسمع صوته الا بنهاية الاسبوع لما يقولي انا جايك في الوقت الفلاني جهزي نفسك كنت انا اللي اتصل كل مره يسولف معايا شويه ويقولي انا رايح اصلي ارجع واكلمك او اتعشا واكلمك او اروح الحمام وارجع اكلمك وطبعا بعدها يسحب عليا لان كل هذي حجج لتصريفي وطبعا خلاص حفاظا ع كرامتي ماصرت اتصل عليه صرت ارسل خلال هالاسبوع كلام حب وشوق مااكثر طبعا يمكن مره او اذا كثرت مرتين في الاسبوع كله ومع ذلك يشوفها وكأنه ماشافها يعني بالعربي بمجرد مايرميني انا و ولدي ببيت اهلي كأنه ماصدق يفتك من وجهي مايبي اي نوع تواصل معايا وهالشي جدا مضايقني وحقيقي ناويه اسويله مشكله هالمره لانه طفح الكيل عندي طول الثلاث سنين وانا احاول بطرق هاديه ولكن مو فارق معاه هالمره افكر اسويله مشكله عشان يحس بإن هالشي جدا مضايقني اكثر بكثير مما يتصور