اتصلت لتخبرني بأني سرقت زوجها وهدمت بيتها(1)

تقدم لي رجل من قرابتنا قبل ستة سنوات وكان في بلد ثاني وانا في بلد.. شافني لما رحنا لبلده سياحة وكلم اهله واتقدم لي بطريقة شرعية لكن والدي رفضه في البداية لانه مو ساكن في بلدنا واشترط انه اذا جا راح يزوجني اياه لو ربي كاتب لنا نتزوج.. ومرت ثلاث سنوات واتخرجت وجا بلدي مع والدته وشافني الشوفة الشرعية وانخطبت له ولانه كان جاي زيارة فوالدي اشترط انه لو جا خلال ثلاث سنوات نتمم الزواج والا فسخ وكل يشوف طريقه.. وافقنا كلنا.. وقعد يحاول بس ربي ما فتح له.. وبعد مرور الثلاث سنوات كان الوالد تعب ويبغى يفسخ لكني رفضت بشدة حتى اني قلت له اني ما راح اتزوج اي انسان غيره لاني خلاص صرت متعلقة فيه بشدة مع العلم اني ما كنت اكلمه او بيننا تواصل.. لكن احببته لدرجة اني لما كنت اخرج من البيت كنت ما ارفع راسي حتى لا تقع عيني على رجل غيره فيجي ف نفسي شي... المهم.. والدي تقبل قراري لانه يحبني بشدة وصبرنا كمان سنتين والحمد لله جا وعقدنا القران بعدها باربع اشهر ..كنت اتخيل زواجي وقصة حبنا العفيف شي خيااااااالي.. لكن بعد العقد لما عملنا الشبكة..تاني يوم كانت الصدمة الكبرى ف حياتي اللي للان ما زالت في قلبي وعقلي وروحي.. جاني اتصال من امراءة تقول انها زوجته واني اخذت زوجها وهدمت بيتها... وفرقت بنتهم عن ابوها.. في البداية قلبي طاح وقلت انها مزحة.. وما صدقت وقفلت الخط.. رحت كلمته وقلت له عن اللي حصل... اخذني لوحدي وقال لي انه هذا صحيح الكلام وهو متزوج من قبل ما يشوفني وله على زواجه الان عشر سنوات وله منها بنت كمان.. لكنه ما قال لي هذا الكلام لانه خاف يفقدني لانه يحبني وانه هذا الزواج كان بسبب خوفه من اهلها وضغطهم عليه خصوصا انه محد في العايلة يعرف لا اهله ولا اهلي كل هذي السنين.. وبنتهم هذي جات بعد ما هي طلبتها منه بحيث تتركه لو لبى لها هذا الطلب.. فوافق لها في الداية ما صدقت لاني ما وثقت في نفسي مثل ما كنت اثق فيه وفي حبه ووفاؤه... لكن بعد ما عرفت رضيت بالقضاء وحمدت ربي ووافقت اننا نكمل الزواج طلب مني بعد اعتذار وحتى باس رجلي واعتذر مني وطلب مني اني ما اقول لاحد حتى لا يفرقوني عنه لهذا السبب.. وافقت بشرط انهم ما يتدخلوا في حياتي معاه...وكماة لان اهلي كانوا فرحانين بينا بعد كل هذي ااسنين وما قدرت احطم امالهم وبعد الزواج صارت المشاكل تزداد وتتدخلها في حياتنا يزداد.. ويتصل عليها ويتكلموا من ورا ظهري وانا قلت له لا تسوي شي من ورايا لاني فقدت الثقة مرة فلا تخونني مرة ثانية ..كل شي اتحمله الا الكذب واخفاء الحقيقة ... لكن ما تغير شي .. وصرت انا كمان ما اتحمل فطلبت الطلاق.. لكنه في النهاية طلقها لما ساءت الاخوال.. وفقدت حملي بسبب هذه الامور بعد ها وبي كتب لي احمل ثاني.. والان عندي بنت منه.عمرها اربعة تشهر ... لكن كل هذه الفترة )سنة ونصف( عشتها وانا ميتة ما عاد لي رغبة في الحياة.. ربي اعطاني علم ودين ومع ذلك فكرت كذا مرة انتحر بسبب اليأس وكرهي لنفسي وفقدي ثقتي في كل شي لاني اتحطمت كليا... والان يقول لي انه بعد الطلاق ما يتواصل معاها لكن ما استطيع ان اثق في كلامه ثاني... وما اعرف كيف اتصرف.. اهلي صاروا يقولول لي حالتك النفسية تحتاج طبيب نفسي... وكل من حولي يقول لي نفس الكلام لكن ما في النفس لا يعمله الا الله... انا للان احبه بشدة وادعي انه ربي يسخره ليا ويجعله لي كما احب لكن ف نفس الوقت صعب العيش مع انسان تمنيت الدنيا والاخرة معاه اني ما اثق فيه... يا ليت احد يقول لي كيف اتصرف.. اكلم اهلي لانهم للان ما يدروا شي ويطلقوني او اني اصدق كلامه انه تغير واعطي نفسي فرصة ثانية اني احبه مثل اول... للعلم ان مع كل ما حصل بيننا انا على يقين انه يحبني لكن اخاف انه ياخذ الموضوع ان صار كل شي عادي بالنسبة لي ويرجع للي عملي ثاني وللعلم ايضا... ما يظهر من حاله لي الان انه يحاول قصارى جهده حتى يستعيدني... وقال راح يصبر حتى يسترجع نفس مكانته عندي وما راح يتركني مهما حصل