كان جميلاً ودوداً فأصبح وحشاً يعايرني بمرضي

السلام عليكم ورحمة الله انا متزوجةبقالي عشر سنين ولي ولادين أحببته حبا شديدا تخليت عن أحلامي في تصميم ذاتي واتجوزت وسافرت معاه بعدانجاب طفلي الاول وفي اي خلاف بسيط كان يضربني بالقلم وكان يعتزر واسامحه وكان بيبقي مشغول جدا لدرجة فظيعه يجي ينام وكان يقولي في مصر هعوضك وتعرض لظروف صعبة تعبت جدا نفسيا ووقفت جمبة لحد ما جه مصر وبعد ماقالي انا عرفت قيمتك وقيمت العيال ادعيلي مجرد ماجه قالي ده مجرد كلام انتي بتصدقي. وبقي اوحش من الاول بكتير إهمال شديد ليه والعيال ويعيرني بمرضي علي طول حتي قدام اهله علي الرغم باهتمامه الشديد باهله أمه ابوه أخواته زعلت من الوعود الكاذبه وبتدات مره اتشاكل ومره ادلع فيوعدويكذب. وبدا لما اخاصم او اخد موقف يخاصمني بالايام والاسابيع ويجرح بالكلام القاسي ويرميني في تعبي حتي لو بموت ويقوم بخنقي وضربي بشده اكتر من مره في دماغي وزراعي حتي الرزاق والكلكعه واهله في صفه من غير ما يسمعوا مني ولو سمعوا يكذبوني وكان بيطرضني علي طول ومره كذب علي اهله في غطبه ولما اكتشفت وتشاكلت علي توقيعه بيني وبين اهله لأنهم كانوا بيحبوني طلقني واخد عليه عهد اني ماقولش وعشان بحبه صبرت وفي الاخر بعد ما زاد وفاض عدم كلامه معايا وإهماله الشديد حتي لو كنت محتاجه علاج مش بيجبلي رغم ان العلاج او الكشف بفلوسي قعد يدعي عليه بالموت وانه بيكرهني وان ربنا يخدني ويتكلم يتكلم لحد ما ضربته بالقلم ونهرت نفسيا وعصبيا وأغمي عليه ودي كانت الطلقة التانيه ولا عاد بيسأل عليه ولا علي عياله ولا بيصرف عليهم ومش مريح حد انا وضعي ايه ارجوكم عيزه حل مش عارفه اكره بس كرامتي. اخلاقي انهارت كنت بحبه بصدق ساعدوني