اتهمني أني مريضة ومهملة

السلام عليكمانا عمري٣٢سنه وزوجي ٣٧ سنه عندنا ولدين ولله الحمد،،مشكلتي انو زوجي يزعل مني اذا زعلت ويقلب الموضوع عليا وعلى طول ينتقدني باني مهمله البيت ماانظفه ومقصرة ما اهتم بالأولاد ولا بيه!!امس زعلت منو عشان موضوع جرحني ورسلتلو رساله ع الواتس قام رد عليا اني مريضة وإني مااهتم فيه ولا اهتم بالبزورة ولا حتى بالبيت وانو طفش وبدأ يمل مع اني والله احاول قد مااقدر اني أكون ناجحه بكل شي والله كلامو دا صدمني صحيح انا مو مره مثاليه بس عالاقل احاول اني أنجز اغلب الأمور وهو يزعل ادا قصرت في شي مايعذرني ولا يقدر التعب اللي احس فيهوالله تعبت وطفشت من كثر الانتقادات ويشيل بقلبه عليا لدرجة انو قبل كم يوم كان المطبخ مكركب وانا والله تعبانه وعظامي تألمني مااقدر أوقف من الالم قلت في نفسي خليه الين العصر او العشا أكون اتحسنت وأنظف بس والله ماقدرت الين اليوم الثالث اتحسنت وقمت نظفتانا اشوف زوجي اليومين اللي مانظفت المطبخ وكنت تعبانه كان جاف معايا ويطالع فيا بنظرات مو حلوه فهمته والله وعرفت انو متضايق من المطبخ عشانو كمركب بس والله غصباً عني انا بشر ومااقدر احمل نفسي فوق طاقتها بس لما اتحسنت سويت شغلي ونظفت ورفعت وهو مازال على زعلو مع اني طنشت اسلوبو وجفاوتو معايا وصرت أتكلم معاه وامزح وانا أقول في نفسي خلاص ترى مالو داعي الزعل نفسي اقولها له بس خايفه ينفجر فيا زي كل مره ، حيقولي انتي مهمله وماتقدريني ولا تحترميني "كلام كل مره" بالله كيف أتصرف معاه تعبت وانا أتكلم وف نفس الوقت ماابغاه يتدخل انا المسؤوله عن البيت والأولاد ومااقدر اسوي شي وانا تعبانه جسدياً او نفسياً كيف أخليه يوقف انتقاد ومايكون الموضوع دا محور زعلو لأني لما أزعل منو يقولي انا ماسويت شي غلط انتي راجعي نفسك شوفي بيتك وأولادك الاهمال والعناد ماينفعوكي مع اني والله مااعاندو وأحاول اسوي الشي اللي يبغاه حتى لو بعد كم يوم حسب استطاعتي