أهل زوجي يستغلون غيابه لإهانة أطفالي

السلام عليكم انا مشكلتي مع اهل زوجي .انا زوجي شخصيته قويه ويفرض هيبته على اهله لأنه اذكى واحد فيهم ويعرف كلن على حقيقته منهم ولا يرضى بالغلط مع انه يحبهم اكثر من نفسه ويأمن لأخوانه شغل ويتعب معهم على امورهم ويحب امه بشكل جنوني وانا مرتاحه لأهتمامه بأهله واشجعه على هالشي وبلعكس اذا حسيته قصر انبهه واحاول اصلح الأمور بينه وبينهم وودي علاقته بهم تصير طيبه.لكن .هو طبعه شديد شوي حتى معي بس قلبه ابيض ويحب الكل .المشكله انه يغيب دايما بحكم ضروف العمل يعني يمكن يجينا بالشهر اربع ايام..طبعا في حضوره يخافون منه ويحترموني ويحترمو اطفالي بس اذا غاب الله لا يوريكم انواع الإهانات لي ولأولادي بسبب مشاكل الأطفال الي كلكم تعرفونها مع انهم اعمارهم من ست الا ثلاث سنين وحتى بعض الاحيان يكونون عيال عمهم هم المعتدين بس يشكون عند جدتهم واعمامهم بس اولادي مايروحون الا لي اذا حد اتمشكل معاهم ودايما ردي لهم ان الي يتعدى عليكم لا تسكتون له والي ماسوى لكم شي لا تأذونه ومستحيل اروح لعيالهم واصرخ عليهم علشان هالشي بس حماتي وعيالها وحريمهم الله يهديهم يصرخون على عيالي ويهينونهم وبعض الأحيان يجي عمهم ويشتمهم وهم في بيتي وانا ماابي اكون بنفس عقليتهم اطنش واحاول ازرع في عيالي الثقه بعد كل مره وصارو يحملون عيالي كل الأخطاء الي تصير لأنهم دايما يشوفونهم ساكتين مايشكون لهم مثل باقي الأطفال ويضنون انهم معترفين بالخطاء بس عيالي عندهم حياء ولا يعرفون يدافعون عن انفسهم .طبعا انا مااقول لزوجي شي لأني اعتبر هالشي تفرقه بين الأهل بس عيالي يقولون لأبوهم كلشي واذا جاء يوقفهم عند حدهم ويضهرون قدامه حبهم لعيالي والله اني اناضر فيهم واضحك استغفرالله احس حركاتهم حركات اطفال .لكن المشكله اني بديت الاحض ان ولدي الصغير صار حساس ويبكي على اتفه الأسباب وانا ماابي هاالشي يأثر على نفسياتهم بس بنفس الوقت ماابي اتمشكل مع اهل زوجي لأن تصرفاتهم غريبه واذا وحده دافعت عن اولادها يحقدون عليها عندهم مفهوم ان التربيه بالعنف والصراخ ..ابي نصايحكم وش اسوي علشان اخليهم مايهينون عيالي بدون مااتمشكل معاهم..وترى علاقتي بحماتي ممتازه وهي تحبني اكثر وحده مع انها ماتبين لي هالشي بس كلامها عني عند عيالها وحريمهم واهلها دايم بالزين وتقول دايم اني زي بنتها وانا يشهد الله احبها مثل امي بس هاالشي الوحيد الي مضايقني منها ساعدوني ارجوكم