بعد الزواج أصبحت كالسجينة في بيته

مشكلتي زوجي متزوجه من سنه وست شهور بعد فتره من الزواج صار يضيق علي بكل شي لا اطلع ولااروح زي المسجونه بالبيت ومعي طفل وحامل لا يطلعني ولايبيني اطلع صار يتمادى علي بالكلام والانتقاد يشتمني ويتهمني بقله الادب والاهانات وانا ماقليت ادبي ويعتبر ردي له انه قله ادب يبيني استقبل بس ولا ارد او ادافع عن نفسي حرمني من كل شي حتى روحه لاهلي صارت بمشكله المشكله ان دوامه من ست الصباح الى المغرب وبعدها ينام وانا اجلس بملل طبعا اخر مشكله صارت بيني وبينه ان عشان طفلي بالبدايه كنا جالسين بعدها صار طفلي يضرب ابوه وقلت له لا واشيل يده من وجه ابوه... يقول خليه قلت لا يتعود ع الضرب عصب علي وقال لاتتدخلي بتربيتي لعيالي ومالك دخل طلعت من الغرفه خليته هو ووالولد طبعا عمره عشر شهور بعدها كلمتني الوالده بالفيديو قالت ابي اشوف الولد رحت دخلت الغرفه بغيت اخذه وعصب قال ابقرا عليه قلت طيب بسرعه قال حلوه بسرعه مو عاجبك يعني وانهال لي بالسب طبعا بعدها اخذت الولد وطلعت وطلع وراي يهاوشني سكت ماقلت شي كنت عارفه ان تصرفي غلط يوم استعجلته بس اني زعلت يوم هاوشني اول مره عشان كذا ماتكلمت بعدها قال لا اشوفه قاعد على الجوال اكثر من دقيقه طلع من الشقه وبعد دقيقه رجع يطالعني وانا اتكلم والشرار يتطاير من عينه وطلع مره ثاني بعد دقيقتين دخل وبعد ثمان دقايق بالضبط سكرت امي قعدت ثمان دقايق بالضبط عشان امي تشوف ولدي بالفيديو وبعدها هجم علي بالكلام انتي ماتفهمين ولا عاجبك احد والله لا اوريك ولا تشوفين تعامل سيئ قال ليشش سساكته مو عااجبك الكلام وجا عندي واخذ جوالي وضربه بالجدار تكسسر وطلع قعدت ابكي من القههرر ورجع مره ثاني وحطيت واسي ونمت وقررت اني اطلع لاهلي من بكره وكلم امي وجلس يهاوش ويرفع صوته على امي ويقول من قال لها تطلع بدون اذني بعدها بيومين جا عند اهلي وتغدا ووقت العصر قال ابي الولد قبل كان مهددني انه ياخذ ولدي ويسافر فيه عند اهله وانا مانسيت هالشي جا ابوي قال يبي ياخذه قلت ماياخذه وجلسنا ساعه تمشكللنا ورحت اتفاهم معه وهددني بانه ياخذ طفلي وبيخفيه اذا ماجبته له الحين قلت ماراح يروح معك وطلعت اخر شي طلع بعد ماسمع صوت هواش من جوا البيت وكان ابوي يهاوش اخوي واخوي يبي يطلع له يتضارب معه وهو مسك الباب وراح طبعا بعد فتره ارسل لي انه شلون مااثق فيه شلون احرم ولد من امه قال لاترجعي للبيت الا لمن انا اعطيك الاذن جلست اسبوعين عند اهلي وكان يتواصل معهم عشان ولده مايبي يكلمني خذاه كم مره بعدها صار يتواصل معي ويسأل عن ولده وهذا الحين ثالث اسبوع لي وبدا يتكلم معي وامه حاولت تصلح بيننا ماقدرت ويقول لي انتي حلي مشكلتك بنفسك وبيتك مفتوح لك بأي وقت طبعا هو مو معترف انه غلط علي حط اللوم كله علي وهو ماغلط بشئ ومستحيل يطلع نفسه غلطان حتى لو آلمه بطنه يحط اللوم علي والنقاش معه مااطلع بأي شي واي نتيجهالوالده ووحده وصديقه لي تقول لاترجعين هو يبي يهينك خليه هو يجي يرجعك واشرطي عليه مع اني انا طلعت من نفسي وماعندي مشكله اني ارجع من نفسيطلعتي من البيت قصدت انه يتأدب لكن مافيه فايده والكل يقول اذا مااتخذتي موقف بيهينك ويعاملك بشكل سئ والى الان مافيه تقدم بالموضوع محتاره مره