زوجي يعاني من وهم المراهقة المتأخرة

زوجى يعانى من وهم المراهقه المتأخره هو عنده ٣٦ سنه وشكله صغير وانا عندى ٢٧ سنه ومتزوجين من ٧ سنين والحمدلله كنا عايشين حياتنا كويس وبنششتغل ف دوله عربيه ولظروف الحياه مطلوب منى اكون ٦ شهور مع زوجى و ٦ شهور ببلدى واثناء ال٦ شهور اجازتى كان زوجى دائما يشكو من الوحده خصوصا ان ليس لديه اصدقاء للطلوع معهم بعد العمل وفى بعض الاوقات يلجأ للتعارف على الانترنت ولكن سريعا يخرج وكان دايما يحكيلى على كل حاجه لحد ما بدء يشتغل معاه بنات فالشغل كانت هناك فتاه واحده تتساهل مع كل الموظفين تقريبا بالشركه ومعظم اصدقاء زوجى كلموها وكانو يحكو لزوجى مغامراتهم وكنت دائما ارى ف عين زوجى ان نفسه يجرب هى بتعمل معاهم ايه عشان الكل يسمع كلامها وتكون لها شخصيه قياديه فالعمل وفعلا كان زوجى لا توجد علاقه تربطه بها لكن كنت انا و زملاءه فالعمل دائم الشك به انه بيكلمها. وانا كنت بشك فيه عشان اخوفه انه يعمل حاجه زى كده ويهد بيتنا وللاسف اثناء اجازتى بدء الحديث معها وتطور الامر لحب وهمى من الطرفين لانه متزوج ولانها مرتبطه عاطفيا ب صديقه فالعمل ولكن شخصيتها كانت مفيش مشكله من محادثه ٦ رجال ف نفس الوقت و زوجى يعلم هذا جيدا ولكن هو بدء العلاقه دى اولا العند ف اصدقاءه و انه كان بيعرف اخبار شركته عن طريقها ومين كان ليه علاقه معاها وبالعند فيا ايضا وطبعا حسيت بيه وانا فالاجازه وخلافات كثيره اثناء ٦ شهور ورجعت وفعلا اكتشفت كل حاجه.وبعد محايلات كثيره قررت عدم الطلاق انا جوزى طبعه مش خاين لكنه فجأه قالى انا عايز احس انى لسه شباب ومرغوب فيا وان حد غير مراتى مهتم بيا طبعا العلاقه انتهت لكن جواه وساوس ان ممكن ف اجازتى الجايه يعمل حاجه تانى لانه كان مستمتع جدا بالاحساس ده وهو خايف من نفسه و دايما يقولى مش انتى السبب فالخيانه انتى مش مقصره انا اللى كان نفسى احس بكده وانا دلوقتى فعلا مش عارفه الم جرح قلبى المكسور منه ولا اعالجه من مرض المراهقه المتأخره. وازاى اعالجه اصلا