يضربني ويطردني ويتهم أهلي

مرحبا انا فتاة عمري 20 سنة متزوجة من سنتين و نص زوجي يكبرني ب 10سنوات عندنا بنت عمرها سنة و نص. زوجي عصبي كثيراً يحاسب على كل صغيرة و كبيرة عصبي لدرجة انو لما يعصب بيضربني كتير مرات انهار و يغمى علي يطلع لبرا وما هامو شي كل كلامو معي صراخ و اذلال و سب ولا مرة جاوبتو و هو عم يصرخ يسبني و يسب اهلي بس بقول هو معصب مو بقصدو و ما احكي شي بس ابكي . اغلب الاحيان لما نتخانق يشدني من ملابسي و يطردني لبرا بس انا ما ارضى اطلع ظنا مني انو هذا هو الصح مرة رمالي ملابسي بالبالكون و طردني كمان ما رحت. كبرت مشكلتي كتييييييير من شي 7 شهور لما نخطبت اختي. اختي اكبر مني ب5 سنين مطلقة ظلم. الحمد لله رجعت نخطبت وتزوجت من شهر. زوجها استئجر منزل متواضع. اقترح ابي على اختي انو تسكن معهم يعني ببيت اهلي لانو في جزء مو مكمول بناءو قال لها انو زوجها ينهيه و يسكنوه فرفضت اختي الفكرة و زوجي كان على علم بها الحكي صار يغار كثيييرا يقولي انو امي انا بتحب الصهر الجديد اكتر منو و انو هي مفرقة بيناتن ما بيفوت عليا يوم بلا صراخ و عياط لما احاول اني فهمو ما يرضى يسمع حاط ببالو انو دايما هو على صواب و ما يغلط. و من شي 10 ايام كنت ببيت اهلي و الحمد لله اهلي حالهم مستقرة مادياً اجا لياخدني راى مواد بناء عند المدخل فخرج مسرعا متعصبا هربلي ما اخدني بعد شوي اتصل بي يسبني و قالي يا مغفلة اختك اشطر منك تزوجت من شهر بس عرفت تاخد حقها و قال لي كلام رديييئ و قالي انو هو مانو مستفاد مني باي شي. صدمني لانو انا مولودة بالمانيا بس في خلل بوثائقي و هو من قبل ما يخطبني و هو حابب يهاجر البلاد زعلت كتيير بس ما خبرت اهلي .و في الغد جاء صباحا باكرا اخذني يسب و يشتم عطول الطريق . هلاء صارلو 4ايام ما عم يحكي معي و اصلا هو هاجر فراشه من شي شهر او اكثر ينام بغرفة بنتنا من يومين استيقظت حوالي 3 صباحا رحت احل الشباك وجدته في البلكونة ماسك تلفونو ما اطلع في اصلا بعدها ب 10 دقائق لحتى رجع لغرفة بنتي لينام و مبارح رجع بمنتصف الليل دخل لغرفة بنتي و غلق البابو ظل هنيك لحتى 2 صباحا . صراحة انا مشمئزة منو ماني مستحملة وجودو او حتى اني شوفو والله العظيم اني كرهتووو عم فكر بالطلاق لانو عم حس نفسي عايشة حياة مصلحة ارجووكم افيدوني و اسفة على الاطالة