زوجي يسهر على ألعاب الكمبيوتر ومنشغل عني

السلام عليكم..انا متابعة المشاكل كلها و لمن بشوف هيك قصص بقول الحمدللهانا الي سنتين متجوزة و عندي بنت عمرها ست شهور مشكلتي يمكن مش مشكلة بس انا الشغلة زعجيتنيالحمدلله بيني و بين زوجي ما في مشاكل فهمانين بعض كتير منيح و علاقتنا ببنتنا ممتازة انو منحاول تتعلق فينا نحن التنين و نكون عاءلة متماسكة بس المشكلةاللي بعاني منها هي انو زوجي بيلعب games عالكمبيوتر من اول زواجنا و هو لمن يرجع من الشغل بيقعد كل السهرة تقريبا انا بالاول قلت ما بأثر بعدنا بجو جديد و فترة اكيد بيتغير..مع العلم انا لحالي بالغربة صبرت و بالاخر صرت احكي تيغير بس خلص هو كتير معلق فيها...للصراحة صار يخفف كتير بس برضو بعدو لهلأ..انا اتبعت طريقة انو ما احكي تما يحس اني عم بنق..جربت اشغل حالي بقصص تانية بهل وقت بس كمان ما فييً ضل مطنشة و و لا اي طريقة خليتو يتركها..صح عنا بنت بس انا منظيتا لمن يرجع من شغلو منقضي الوقت سوا بس هي بتنام بكير..يعني ما بنشغل بشي و برضو بيتركني كل السهرة تقريبا..اوقات بحس انو هل شي متعبني و عم بسبب جفا بس ما عم بحس باهمية اللي عم بقولو بخاف بعدين القصة تاثر علينابعرف اني طولت بس ما حسيت عحالي عير اني عم بكتب و برجع بقول الحمدلله انو بس هيك الموضوع و مش عم بيلتهي بشي تاني..ما عارفة شو اعمل-