أعيش أنا وأخوتي تحت رحمة مزاج والدي المتقلب وأنانية امي

عايشه تحت رحمة مزاج والدي المتقلب ..يوم بيكون انسان سوي ومتفهم واكبر المشاكل بقدر يحتويها..ويوم اتفه الاسباب والمشاكل ممكن تشعل حرب بالبيت وبتحول الى جحيم لا يطاق من ضرب وشتم وتكسير واهانات الى اخره ،،هل الامر بشعر انو سبب عندي خوف من اللاشيئ توتر ..ما بحس بالاماان ابدا بالبيت دائما بكون خايفه يجي فجاءه ويضربني بلا سبب لانها صارت اكتر من مره قبل ..عند اتفه مشكله بهدد بجمله"بطخك وبطخ امك مش فارق معي " او"بطلق امكم" او اي جمل تانيه ..كلها مسببتلي قلق غير مبرر مشاعر خوف بفكر اهرب انتحر اعمل اي اشي لحتى يخف القلق والتوتر ..بضخم الامور بتخيل تخيلات مرعبه ومنامات مرعبه ما بقوم عن سريري اذا بسمع صوتو بالبيت بتجنب اطلع من الغرفه حتى ولو انو رايق ..حاليا صايره معي مشكله شخصيه وسببها والدتي فالخوف عندي في ذروتو مش قادره ارتاح مش عارفه اتخلص من حالة الرعب الي انا عايشيتها وبس اهدى شوي برجع نفس الشريط ينعاد ..كيف اطلع من دوامة الرعب كيف اتخلص من تحول والدي ..مش عارفه احبو ولا اكرهو هو اب ولا عدو مش قادره احدد اشي ..بالنسبه لامي انسانه مهمله بكل ما تحمله الكلمه من معنى ..ممكن اقعد بغرفه مسكره ع حالي الباب مده اكتر من ١٢ ساعه ما بتيجي بتسال ممكن انقطع عن الاكل ايام كمان ما بتسال.. ابسط الامور من حنان وانها تسمعلي ما بتعملها ..لو امنتلها ع سر بتفصحو لولادي عند اتفه سبب انتقام مني ..هاي مش معاناتي لحالي معاناتي انا وخواتي تفكك اسري كبير بسبب انانية امي وعبادة ابوي للشغل وهمهم بالحياه الناس ما تحكي علينا لانو سمعتنا لازم تكون منيحه وسمعتهم ع حساب نفسياتنا وراحتنا طولت بالحكي بس لسا هاد نقطه من بحر ياريت تفيدوني ..شكرا❤️