أمي تغيرت بعد ما امتلكت هاتف ذكي!

السلام عليكم ورحمه الله امي تغيرت من بعد ما صار عندها احد الاجهزه الذكيه ، صارت تاخر صلاتها ولا عاد صارت تهتم ف اخواني هم ماكلين شاربين ولا لا ؟ حتى الأذكار اول كانت بعد كل صلاه تقرا أذكار الصلاه و تقرا أذكار الصباح والمساء وتقرا ٢٠ صفحه من القران تقريبا قبل تنام ومرات اذا جيت اقول يا امي ترا أقام صلي كانت تهز راسه وتقول طَيب طَيب و اقوم اروح اصلي وارجع القاها ف مكانها ما تحركت وأقول ترا الشيطان يلعب براسك يا يمه انفخي ع يسارك وتعوذي منه تقوم وتقول يالله يالله قمت ، حتى اذا شافت الناس طالعين من تصوير احد البرامج كانت تزعل وتسوي مشاكل مع ابوي واخواني انهم ما يطلعونا ولا يودونا ، وودي اني أقفل حسابها ف البرامج اللي عندها بس خاف تزعل مني ، لان مرا طلعت من حسابها بس زعلت علي وتحسبت علي وكانت تقول قاعدين ف البيت لا طلعه ولا شيء بعد تبون تأخذون جوالي مني ، من يوم ما دخل علينا ذا الجوال وامي متغيره ولا حنا اول كنا عايله بسيطه ما نحب لا الطلعه ولا رجعه وراضين بحالنا بس من دخل الجوال علينا وامي كل مالها تقول ما نطلع زي ذا الناس ولا شيء ودايم مي راضيه عن العيشه اللي هي فيها وحاولت كذا مره اني اقول لها ترا خيره اللي حنا فيه يا امي بس ما كنت تسمع وكانت دايم تتحسب ع ابوي وتقول له هو حارمني من كل شيء وكذا مره قلت لها بدل ما تتحسبين وتتدهور الحاله ادعي ان ربي يصلحه ويسخره لس بس كانت تقول لو ادعي من اليوم لبكره ابوك ذا موب متغير ابليس ع هيئه بشر ، الحين انا مدري وش اسوي احذف حسابها ولا اتركها