خسرت بيتي وأولادي بسبب أمي وحياتي أصبحت جحيم

السلام عليكم . أنا إلتجأت إليكم لانه ضاقت بي الدنيا و مافي حدا أشكي له همّي غير الله و أنتم أخواتي و أخواني .راح إبدأ من الأول .أنا بنت تربيت في عائلة محافظة . و كانت أمّي امرأة صعبة جدّا .كانت دائمابتصرّخ علينا و بترمينا بكلام يسمّ البدن و بتفرض علينا رأيها في كل شيء.و هي بهذه الصفات إلى حدّ الآن .المهم بعد ما خلّصت جامعة اتقدملي شخص كنت أحبه و هو كذلك و إتمنيت إني أكون له و اخلص من الإهانات الي ما بتخلص بالبيت .و لكن أهلي رفضوه لسبب تافه إنو موش من بلدتنا . حزنت كثيرا و قرّرت إنو أول واحد راح يتقدّملي راح أوافق المهم عندي إني أخرج من هل البيت . و ما كنت بعلم للإسف إنه بهذا القرار ارتكبت أكبر غلطة بحياتي .وفعلا انخطبت و كان كلي أمل إن هذا الخطيب ينسيني العذاب و الذل الي شفت .أنا فعلا ما كنت مقتنعة به بس يوم ما اتقدملي سمعت أمي بتقول لأبي اللي ما كان مقتنع به مثلي "خلّيها تتزوج و تخرج من ها البيت أفضل من إنها تظل قدّام وجهنا".كرهت حالي يومها و حسّيت قدّاش أنا رخيصة عند أهلي بالرغم من إني كنت بشتغل و بصرف على حالي .و أنا مخطوبة إكتشفت إنه تفكيرنا و ميولاتنا مختلفة و إنه عنييييد و ما بيعمل إلا الي براسه.حينها حبيت أفسخ الخطبة بس أمي كالعادة كانت بالمرصاد و رفضت .اتزوجت و كل مرة إكتشف شىء فيه.مثل إنه بخيل مادّيا و معنويا .ليس بالزوج المسِؤول الي بقدر إعتمد عليه .ما بيقبل النصيحة و لا بيقبل النقاش .بيعمل إشياء من ورايا و دون علمي مثل إنو باع البيت و صرف المبلغ و لمّا لمته قالي إنه البيت بيته هو و ليس لي .اتحيّل على أبوه و أفتك منو أرض و باعها كمان . بيعمل مشاريع من أولها خسرانة .بيتداين و ما برجّع .ما بفكر إلا في حاله و بيتصرف على هذا الأساس و كأنه ليس متزوج و لا عندو أولادأنا فعلا تعيسة جدّا معه .و كرّهني في حياتي أكثر و أكثر و صرت أنا كمان بصرّخ على أولادي .أولادي الي بحكم أني ظلّيت أشتغل حتى أصرف على حالي و عليهم تركتهم عند أهلي .بروح أشوفهم بس و أجيبهم عندي بأخر الأسبوع.و هي كمان غلطة ما كان لازم أعملها و ندمانة كثيرا عليها .لأنه كل ما عملوا شيء مو مليح و حبيت أوبّخهم بتيجي أمي و بتسمعني كلام ما بيسوى و بتحقّر من قيمتي أمامهم و بتقول لولادي و لا يهمكم فيها أصلا هي و حدة هبلة و مريضة.المهم ما صار عندي كلمة مع أولادي .و زوجي و لا هامه شيء بالعكس هو مبسوط إنو الأولاد بعاد و مرتاح من مصروفهم .هلا صار عندي 10 سنين متزوجة .و ما تغير شيء .دائما مشاكل مع أمي و مشاكل مع زوجي.لا عارفة إرتاح في بيتي ولا بيت أهلي .حاسة إني خسرت أولادي و خسرت طعم الحياة بالرغم من إني في الـ35 .هلا أنا بفكر في الطلاق . وأهلي كالعادة رافضين بس لأنهم ما بدهم إرجع لعندهم .و زوجي كل ما بقوله خلينا نطلّق بيعصب و يصير عنيف معي .الله يخلّيكم إنصحوني شو لازم أعمل .حاسة حالي تعبانةو ما في حد واقف معي .