يهددني بالطلاق وأخذ الأولاد.. فكيف أتصرف؟

لو سمحتو بدي ارسلكم مشكلتي وتساعدوني بحلها باول حياتي زوجي هددني انو ياخد مني بنتي ويطلقني وانا هون خفت واستجبت لشروطه بس لما فكرت قلت شكلو كان بس بضغط علي بالبنت عشان اخضع وهو كوضع اهلو مابسمحلهم يربوها لانو حماتي وحماي كبار بالسن وبناتهم كلهم خارج البلد طبعا بعدها عشت ٥سنوات تعتبر حياه مستقره لاتخلو من المنغصات والمشاكل الطبيعيه اللي في اي بيت واسبابها جدا تافهه وطول هاي السنوات وانا عايشه متل مابدو ابن عمي بالريموت بس عادي اتأقلمت ولاني بحبو حسيت اني مستمتعه كمان هههه هلا احيانا من كتر الضغط بفرط واخر فتره صارتلي ظروف تخليني دايما متوتره ومشاكل هرمونات فزوجي بحكي انو خلص نفذ صبرو من هالشهر ومابقدر يتحملني وبدو يطلق وياخذ البنت والولد هناك احتمالين الاول انو فعلا ممكن يعملها والثانيه انو بهدد بس وانا قلبي وعشمي فيه بحكو التانيه بس برضو ماخلصنا انا لازم اسوق فيها اني مصدقه وخايفه اتطلق وهو فعلا انا خايفه بس الحل اللي بدي ياه اني بدي اعتذرلو بطريقه كبريائيه واصالحو باسلوب تكتيكي مايخليه يذلني او يتشرط علي زي ماعمل اول مره ومابقدر مااعتذر لانو حتكبر براسو وبجوز ساعتها يعملها محدش يحكيلي اشتري نفسك لانو وضعي معو مش سئ وتانيا من بعدو حتبهدل شو ماكان انا مالي اهل ولو اخذت ولادي اصعب واصعب معلومه هامه انا لسه ببيتي كمان معلومه انو هو بحبني علما كمان اني جربت احكي بالدين وانو الطلاق مش كلمه وحرام الصغار يعيشو بعيد عني وماوصلنا للاخر ومن هالحكي بس الرجال بدو ياني انذل