ما سبب اهمال الزوج زوجته عاطفيا

مساء الخير انا محتاجه اتكلم ومحتاجه حلول لحياتي لاني نفسيا شبه متدمره ما سبب اهمال الزوج زوجته عاطفيا انا ام لطفلين واصغرهم عندها ايام مشكلتي ان جوزي عينه زايغه وواحده ماتكفيهوش ومهمل فيا بطريقة تخنق جابني عند والدي قبل ولادتي بشهر بحجة ان اخته بتولد ومش فاضيلي وكان بيجي يشوفني كل فين وفين رغم ان اخته ولدت وروحت بيتها قبل ولادتي وحتى بعد ما انا ولدت مش عنده اي استعداد اننا نرجع بيتنا دلوقتي ولما بسأله بحس اني بشحت منه وجودي في بيتي او سؤاله عني

طبعا هو موجود عند مامته ومقضيها خروجات وعايش حياته ويوميا يرجع متأخر البيت المشكله انه وانا باولد من خوفه وقلقه كان ناقص يولد مكاني ولما بزعل منه بيبقى هيتجنن ولو سبت البيت بيفضل رايح جاي عليا علشان يصالحني الاقي ارقام بنات ورسايل يحلف مية يمين انه مايعرفش حاجه عنها وفي الاخر يقول غلطه ومش هتتكرر

بقيت بحس انه مريض نفسي فكرت كتير اتطلق بس لقيت الوضع مش هيختلف كتير بين جوزي واهلي هو هو نفس الضغط النفسي ويمكن اهلي حياتهم اصعب اب شايل ايده من كل حاجه وام متحمله فوق طاقتها واخوات صرفوا كل فلوسهم علينا وفي الاخر مالقوش حد يقف جنبهم في جوازهم وسنهم كبر وكل يوم خناق ومشاكل وجو مكهرب بقيت بحس ان مفيش حل غير اني اهرب من كل ده واعيش لوحدي انا واولادي وبس انا تعبت بجد ومخنوقه اوي ومش عارفه اعمل ايه