لا أستطيع أن أغفر وأنسى تصرفات زوجي
السلام عليكم ورحمة الله وبركاته مشكلتي طويله معلهش استحملوني انا متجوزه من 15 سنه بعد خطوبه 4 سنين من ابن عمي و معايا 3 اولاد عندي 36 سنه وجوزي 41 سنه وكنا قصة حب فظيعه اتحدي بيها اهله كلهم واتجوزنا وكنا مبسوطين جدا لحد ما خلفت بنتي الكبيره بعدها اكتشفت ان جوزي بيكلم بنات علي التليفون وعملت مشاكل كتير وحلف بكل الايمانات انها اخر مره واتكرر الموضوع ده كتير قوي وكل مره يرجع ويحلف انه بيحبني وده نزوه وكنت بلف معاه في كل المحافظات بحكم شغله وجبت بنتي التانيه وابني الصغير وبعد 11 سنه من اللف معاه في المحافظات اتنقل من جديد واقنعني انه ماينفعش اروح معاه البلد دي لان الاولاد كبرووو وهو تعب من نقل الورق والملفات بتاعت المدارس المهم وافقته واقتنعت وقعدت في محافظتي بأولادي لوحدي وهو ييجي كل 15 يوم 4 ايام اجازته واستمرينا علي الوضع ده سنتين بعدها اتنقل للعمل بنفس المحافظه وحمدت ربنا جدا وروحنا شقتنا التمليك اللي جوزي كاتبهالي بأسمي من غير سبب غير انه بيحبني ويأمنلي مستقبلي المهم في شهر رمضان اللي فات اكتشفت المصيبه الكبري ان جوزي متجوز عليا من 4 سنين من واحده غير لائقه معاه تماما مطلقه عندها 30 سنه و معاها طفل من زوجها الاول اللي هو متزوج برضه ومعاه اولاد تانيين وراميه ابنها لابوه بتربيه جدته وبياعه في شركة ادويه ومن اسره فقيره جدا جدا وفلاحه خالص خالص وزوجي الرجل ذو المنصب المرموق والعائله العريقه وانجب من هذه السيده طفلين المهم ان جوزي بعد مااقنعني اقعد بأولادي لوحدي في محافظتي بشهر واحد شاف الست دي ماشيه في الشارع عجبته مشي وراها واتعرف عليها واتجوزها وعملها كتب كتاب وفرح وقعد في كوشه الاب المحترم صاحب الاربعين سنه المهم خيرته بيني وبينها ليطلقني ليطلقها طلقها هيا علي طول في نفس اللحظه اللي سمعت فيها خبر جوازه رمي عليها اليمين وطلقها اكتر من مره ومره غيابي وبعدين طلقها تاني طلقه بائنه لا رجعة فيها المهم قعد يعتذر وانه كان ندمان من ساعة مااتجوز بس كان خلاص اتدبس وخاف لحسن انا اعرف واطلب الطلاق منه لاني كنت دايما رافضه فكرة الزواج التاني ولاني وبشهادته هو قبل اي حد مش مقصره معاه نهائي بس هيا نزوه وهيا شاغلتني المهم بعد الطلاق بفتره 15 يوم هو اكتشف انها كانت انسانه مش مظبوطه وغير امينه وانها وفي اثناء العده سافرت تغير جو في احدي القري السياحيه هيا وولادها وابوها مع صديقه المقرب اللي كان طرف في حل المشكله دي وتخليصنا من هذا الهم وبعد كده اكتشف ان فيه مكالمات بينهم واتس وامها بعتتله صور ليها وكده المهم ان الموضوع ده ليه شهرين من يوم ماتم الطلاق وبنبعت نفقه للاولاد وشافهم مره هو طبعا اخواته كانو مصرين انه مايطلقش التانيه بحجة الاطفال وهو قالهم لا انا عاوز مراتي وولادي دي مش بحبها ولاحاسس نحيتها باي احساس دي مش اكتر من نزوه انا بقي مشكلتي اني مش عارفه انسي ولا اغفر الموضوع ده وكل يوم بفتح السيره ونقول ونعيد ونتخاتق وطبعا هو بيعتبر وجابلي عربيه وحطلي فلوس كتير في حسابي في البنك علشان يثبتلي حسن نيته وحبه ليا وتمسكه بيا بس كل يوم انا ببكي وبنهار وخسيت 15 كيلوووو بسبب المشكله دي انا فقدت الثقه فيه بس مشكلتي اني بحبه ومتأكده من حبه ليا اخته قالتلي انه قبل كده كان عاوز يتجوز واحده مطلقه و معاها 3 بنات وكنا في بداية حياتنا وقالتلي انه من سنه كان عاوز يتجوز بنت صغيره من القاهره بحجة انها غنيه قوي وشيك لما واجهته انكر طبعا وقالي كل ده اتلغي وماحصلش وان الجوازه دي كابوس كان غرقان فيه وكل همه يفوق منه انا اعمل ايه اطلق منه بعد كل اللي حصل وبعد ماطلق التانيه علشان خاطري وسابهم ولا اكمل حياتي ازاي ولا اروح لدكتور نفسي مع العلم انه حاليا ملتزم جدا معايا ويتمنالي الرضا ارضي ياريت تقولولي اعمل ايه؟؟؟
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
- أخصائية علم النفس والتثقيف الصحي ميساء النحلاوي انت تحبينه وهو يحبك ، اعطه فرصه اخيره مؤكده له انها فعلا الفرصه الاخيره وبأنك لن تسامحيه اذا كرر اي علاقه بأي امرأه . بالرغم من طلاقه ، اولاده سيبقوا مسؤوليه على عاتقه في كل مرحله من مراحل حياتهم ولا تنسي ابدا انهم اشقاء اولادك . لقد اثبت لك ماديا خوفه عليك وعلى مستقبلك يبقى ان يثبت ذلك بتصرفاته . تحملي واغفري واصبري على نزواته فلا شك انه تعلم درسا قاسيا من تجربته السابقه ولكن لا تستمعي الى كل ما يقال عنه ، صدقيه هو فقط ان اردت ان تعيشي سعيده ولا تسمحي لاي قريبه ان تنقل لك اخباره . ثقي به واحبيه من جديد وداري على بيتك واولادك وسيتغير ، غالبا لن يجازف بسمعته مره اخرى ولن ينجر وراء نزواته بعد الان .المدربة ميساء حموري وعليكم السلام صديقتي بالطبع ليس من السهل استرجاع ثقتك بزوجك بعد كل ما حصل ولكن مما اسمع ان زوجك يحبك كثيرا ويخاف ان يخسرك وان هناك من يغار منك كاخته التي اشتكت لك عن نواياه السابقه وانا انصحك بان تنتبهي من الحاسدين والذين يدخلون بينكم .عزيزتي زوجك يحبك ولكنه ينظر للاخريات ويخاف من الغلط فيتزوج ولكنك حبه الاساسي وهناك الكثيرين مثله وطبعا هذا التصرف غير مقبول عند معظم النساء وغير مفهوم ولكن الرجال يفهموه !!!! انصحك بان تحافظي على زوجك وبيتك ولا تتنازلي عنه لاحد ولكن تحدثي معه جديا وعلميه درسا بانه اذا تصرف تصرف خاطيء المره القادمه فانه سيفقدك ولن تغفري له ولكن بنفس الوقت توقفي فورا عن التكلم بالمواضيع السابقه وما حصل حتى لا تفقد المواضيع اهميتها ،توقفي عن اللوم والعتب وتكرار الامر وساعديه على حل الامور حتى ترتاحو وتعودوا لحياتكم وانصحك بعدم الابتعاد عنه ،اطلبي منه العوده لمنطقتك بجانب اولاده او اذهبوا جميعا معه .
- 0
- اعجبني
- .
- اضف رد
- .
- عرض الردود
- .
- 22-08-2017
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اسرية
احدث الوصفات
احدث اسئلة قضايا اسرية
اسئلة من بلدك
احجز استشارة اونلاين