لا أشعر بأي اهتمام غير بالفراش

السلام عليكم ياجماعه انا منهاره ومش عارفه اعمل ايه انا متزوجه من 6سنين طلعت من الثانويه وتزوجت وزوجي قالي حخليكي تكملي ورفض وكان عندي مشاكل كتير بتوصل للانفصال ولكن مع تدخل الاهل بتتحل زوجي مغترب بينزل اجازه 3شهور كل سنه ونص انا عايشه في قريه ومعظم سكان القريه الشباب مغترب ونفس حالتي المهم ان زوجي بيوعدني في الفون اني لما انزل اجازه حقعد في البيت وحنتفسح وحعمل واعمل لكن بتفاجا من اول يوم بينزل الزرع وطلبات اهلو والمشاوير واي عك عليه وامه 24ساعه ترن عليه بالتلفون تعالي تعالي انا حاسه نفسي ... مليش اي اهتمام غير بالليل عند مصلحتو لكن انا الحوارات دي كلها مش فارقه معايا اللي فارق معايا بقي النهارده بيقولي (انا مش مسافر تاني وحقعد للبهايم والزرع )ملحوظه لما اتجوزتو ماقاليش انو حيقعد مزارع ملحوظه تانيه انا لو هو مزارع مكنتش اتجوزتو انا مستحمله 3شهور ماشي لكن ماقدرش اتحمل اكتر من كده ومش عارفه اتصرف معاه ازاي