أصدقاء زوجي السوء سبب طلاقي

انا سيدة أبلغ من العمر 37 سنة متزوجة منك 19 سنة ولدى 3 أولاد كان زوجى يعشقنى كثيراااا وكان فى منتهى الحنية والطيبة وعمره ماكان بيرفض لى طلب وكان يحب أهلى جداً بإختصار كان زوج مثالى جداً ومهتم جداً بشغله لحد ما ربنا ابتلاه بصاحب سوء خلاه مدمن للترامادول وللحشيش أصبح شخص سئ جدا فى كل شيء مش طايقنى خالص ومش بيشتغل وكاره أهلى من غير سبب وبيشتمني وبيضربنى أحيانا مع العلم انى وقفت جمبه كتير جدا وكنت بستلف من اخواتى وجيرانا لحد ماتراكمت علينا الديون حتى اولادى مش عارفة اصرف عليهم هو بيتعاطى الحشيش من 4 سنين لحد مابيتنا اتخرب وضاعت كل فلوسه عليه حاولت كتير جدا اقنعه إنه يتعالج لكنه بيرفض ومبيعترفش أصلا انه مدمن المهم انا تعبت وعايزة اتطلق منه لأن وصل بيه الحال انه بيسب شرفى وبيشك فيا وبيشتمني بافظع الشتايم قدام اولادى وبطلب الطلاق وهو رافض يطلقنى مش عارفة اعمل ايه دلونى بالله عليكم