زيارة أمه لنا قلبت حياتي الزوجية بالكامل

السلام عليكمانا اتجوزت جواز صالونات لابن وحيد امه و كانت علاقتنا جميلة جدا و انا و جوزى يربطنا حب كبير و انا احبه حتى العشق هو اهم حاجة فى حياتى و الدنيا كلهااتجوزنا و انتقلت بعدها للعيش معاه فالسعودية و من بعد ما روحت بكام شهر طلبت منه والدته يعملها زيارة و كان بها انا ممانعتش خالص انها تيجى بل بالعكس رحبت جدا لانى كنت بحبها و بعاملها انها والدتى و لكن بعد ما جت حسيتها بدأت تتغير اذا جوزى امتدحنى او قالى كلمة حب تدخل فالنص و تقول طب و انا حتى انه اصبح ميهمتش بيا و لا يقولى اى حاجة و اصبح اهتمامه بيها يخاف يجيبلى حاجة قدامها يقولى حاجة و مع الوقت اهملنى و بدأ يبقى فى خلافات كنت مرات بعدى و مرات مقدرش و انا اشوفها تتوددله و هو يديها وش بس معايا انا على طول قالب وشه و مضايق مع انى و الله يعلم عاملت ربنا فيها جدا و كنت فعلا بحبها بدأت بعد ما كانت بتقولى انا لو جيت بيتك هكون ضيفة و انت الملكة تقولى دا بيت ابنى يعنى بيتى و مرة تانية تقولى انا هاخد حقى ف ابنى و مع انى و الله معملتلهاش اى حاجة وحشةو عدت الايام فى خنقتى و تعبى و ضيقتى و نزلت مصر و بدأت يوميا تبعتله و تحب فيه كلام لو حد شافه مستحيل يصدق ان دى امه هيقول عشيقته و دااايم تحسسه بالذنب و ان قلبها انفطر عليه و هو قلبه حجر و كلام من هذا القبيل و مع انها مكانتش كدا معاه من الاول فأنا اصبحت اعرف انها بتغير و انها عايزة تلفت نظره و خلاص و تكون معاه تطلب يكلمها على طول و تطلب تكلمه لوحده و انا تسللت الغيرة لقلبى انا حسيت انى فى تحدى او انها عايزة توصلى انى و لا حاجةطب ازاى و انا بحبه الحب دا كله و ازاى و انا معملتش فيكى اى حاجة وحشة جيت و كلمت جوزى و قولتله هى ليه مامتك بتعمل كدا هى ليه قاصدة كدا طلعنى انا وحشة و شيطانة و هى اللى مش بتعمل حاجة مع انه من قبل كان قالى معلش هعملها ايه بس بدأ يطلع العيب فيا و اخر مرة كبر المشكلة و كلم اهلى و قالهم بنتكو مش عايزانى اكلم امى و انا عمرى ما قولتهالو و لما جيت اعاتبه قولتله ليه كدا دا انا عمرى ما اقولك تعمل حاجة حرام و لا عمرى هقبلها على نفسى بعد عمر طويل انت المفروض كنت تحتوينى و تفهم انى بحبك لدرجة الغيرة دى و ان فعلا هى مأفورة مش طريقة ام لابنها ابدا و هى كمان مش دى طبيعتها و لا كانت كدا يبقى المفروض انت تفهمنى و تحاول تريحنى او توصل لحل لكن بردو هو مش سامع غير نفسه و بس و كل شوية يكلم اهلى يطلع فيا اى حاجة و انا تعبت تعبت لانى اتعودت عمرى ما حد يدخل بينا و لا بحكى لحد و هو عند اول موقف راح و حكى و عمل موضوع و بالكدب كمان حسيت انه نزل من نظرى اوى انه يروح و يتكلم و من غير وجه حق يعيب و يتكلم على مزاجه و مصدق نفسهحاسة انى خلاص اتكسرت و اتجرحت و نزل من نظرى و معدتش قادرة اعيش معاهاعمل ايه و لا الغلط فى مين انا معدتش فاهمة حاجة و تعبانة جدا