لا أشعر بوجود زوجي في حياتي

مرحبا..صرلي شهرين متزوجة.. زوجي شخص طيب.. واخلاقه حلوة.. بس للاسف بعد الزواج بدأت احس انو انسان لا مبالي ومهملني عاطفيا..طبيعة عملو انو يخلص شغلو من البيت واقصى وقت ممكن يقضي بالبيت وهوة عم يشتغل ساعتين واحيانا اقل.. وانا امراة عاملة.. متحملة كل مسؤوليات البيت تقريبا.. هوة مستحيل يلمس شي بالبيت.. اذا شي خرب بالبيت مش مستعد يصلحو واذا احتجت مثلا ودي سيارتي للكراج وطلبت منو بكون اخر همو انو يلبيني.. لما اطلب منو يجيب اغراض بيحكيلي روحي انتي.. واي شي صايرة بطلبو نفس الحالة مش مستعد يحرك حالو .. هاد غير الطلعات والتاخير للفجر مع اصحابو من تاني اسبوع زواج.. يومو مقلوب ما بشوفو يا نايم يا طالع وبسبب النوم بأوقات غلط بتروح علي الصلاة اغلب الاحيان..حتى بالامور المالية ما بيعرف يتصرف وبيصرف على امو تافهة وممكن نضل طول الشهر مفلسين بسببو.. حاولت كتير اتبع معو اساليب عشان يتغير نظامو.. عملت معو اتفاقيات مشان طلعتو وانو ما بصير بس لا حياة لمن تنادي.. حتى الجانب الجنسي ما كتير بيفرق معو.. ومافي اي ااهتمام عاطفي او شي مرة يحكيلي بدي افسحك او يعمل اي شي صغير يسعدني.. وانا الحمد لله مش مقصرة بأي شي وعم حاول اعمل كلشي بقدر علي وكون هادية ومتفهمة بس ما في فايدة. انا صايرة عم احس انو وجودو وعدمو واحد بحياتي وانو كل واحد فينا عايش حياتو لحالو ومافي اي مشاركة وكتير متدايقة من هالشي ومقهورة