زوجي مدمن ومريض وخائفة من الطلاق من أجل أولادي؟

محتاجه مساعدتكم ليا في حل مشكلتي اكتر انسان اذاني عايزني اكمل معاه وانا بجد تعبت مابقاش عندي طاقة احتمال هموت من الاكتئاب وتايهه وكأني في دوامه مش عارفه اخرج منها انا متزوجه وعندي طفلين وزوجي مش مستقيم سلوكيا غير انه كان مدمن وعمره ما اهتم ببيتنا لا مصاريف ولا غيره وفوق كل ده نصب على طوب الارض واولهم انا حاولت اعالجه كتير لكن مافيش فايده سيبته اكتر من مره وروحت بيت اهلي وكان بيرجع ويحلف انه اتغير لكن كان كله كدب كان بيتنفس كدب كل حياته كدب في كدب اذاني نفسيا كتير بمطالبات الديانه اللي كان ناصب عليهم ليا وخبطهم على بابي وانا بموت من الخنقه ومش عارفه اعمل ايه ليهم واهله من نفس عينته وكدبوا عليا كتير هما كمان سنين وانا على الحال ده لحد ما بعدت اخر مره وهو حاول يقنعني انه اتعالج من الادمان وان الادمان كان هو السبب بس الدكاتره قالوا انه هو مش مستقيم سلوكيا ومالهاش علاقه بالادمان ومش هيتغير وقالي لقيت شغل وارجعي بس انا رافضه وهو رفض الطلاق وانا ابتديت ارفع قضايا في المحاكم الكارثه ان اطفالي مرتبطين بيه جدا وخايفه اظلمهم هو كان عاملهم سمعه وحشه جدا لما يكبروا هيلاقوها في طريقهم لما الناس تعايرهم بيه بس للاسف انا بردو خايفه ومش عارفه اكمل في طريقي للانفصال ولا احاول تاني علشان الولاد مع العلم ان اهل العلم نصحوني بالانفصال لكن انا خايفه بردو وطول الوقت بفكر اعمل ايه وهل معقول هو ممكن يتغير رغم كلام الدكاتره انه ده سلوكه وطبعه ومش هيتغير؟