كيف أرضي زوجي فهو إنسان سريع الزعل

انا متزوجة وزوجي زعله ثقيل وما اقدر أراضية بسرعة كل مره نفس الشي المشكلة السبب سخيف جداً شربت مشروب غازي وانا حامل قام عصب وقال انتي ما تسمعين الكلام وسبني وقالي بعد انا افكر بنفسي وما افكر بلي فبطني وساحب علي من ثلاث أيام طبعاً انا سحبت عليه يومين من حقي ازعل لأنه سبني وحاولت امس فليل ارضية لمه رجع البيت ما يبي يحط عينه فعيني ومعصب اول شي قلته السلام عليكم رد علي بلا نفس عقب وقفت وراه وقتله سلطان ما يحتاي الزعل انت غلطان وانا غلطانه قالي اسكتي عني روحي نامي ابي انام وكان ياخذ حبوب منوم عشان ينام وفر العلبه عل ارض يوضحلي روحي وفكيني عقب راح ينام بعدني جيته قتله اني اسفه وما طعت اقوم من وراه قام معصب يقولي قوم روحي نامي فمكانك عن اعصب عليك ويصرخ رديت اعتذر وقتله اني احبك ما رد علي والله حزت فخاطري ورجعت مكاني ورديت قتله لأني احبك أنا اعتذرت ولأن معزتك غالية على قلبي معني كنت اعرف انك بتردني نفس كل مره اعتذر جد ابي حل مع هل إنسان كيف ارضيه صعب راسه يابس إذا سحبت عليه بيسحب زياده عادي يكون زعلنا اسبوعين أو ثلاثه أو شهر مليت والله ابي ارضية بسرعة