أمي هي السبب في زواجي الفاشل

السلام عليكم مشكلتي والدتي الله يسامحها تتعامل معي من جانب مصلحتها والموضوع ده سبب لي مشاكل كتيرة في حياتي وللأسف انا عشان ماتغضب على اتعودت اني اصير إمعة ولو على حساب مصلحتي الشخصية ودفعت انا وأولاد الثمن في زواج فاشل كنت عارفة من أوله اني مش هقدر اعيش حياة كويسة مع جوزي بسبب فروقات كتير في الشخصية أدت لمشاكل كبيرة في حياتنا ولما كنت ألجأ لوالدتي عشان بنكون ناويين نطلق تحاول بالغصب تراجعنا لبعض بحجة الاولاد لكن هي عارفة ان حتا أولادي تضرروا من كتر المشاكل وللأسف كنت ارجع مرغما بيت زوجي عشان ابويا كان توفى واخواني الاولاد رفضوا انهم يستقبلو مطلقة في البيت وماعندهم استعداد يشيلو همي ومصاريف منهم لله ومعندناش بيت ملك.. المهم رجعت لزوجي وقررت مرغمة استحمل وأبلع الإهانات من زوجي رغم انو وصلت مرحلتي بكرهه لي اكتر لما شاف أن كمان ماليش ظهر وأهله صارو يعاملوني معاملة سيء كمان دلوقتي انا حامل وهولد قريب وماما كانت مقررة تيجي تقعد معايا في ولادتي وفجءة غيرت رأيها وفهمتني بطريق غير مباشر اني ماليش الا اهل زوجي بسبب ان لما ازدادت حياتي سوء مع زوجي انفعلت عليها وقلتلها كفاية بقى تدمير لحياتي كل قراراتك هي الي خلت حياتي جحيم فقررت بعدها تعاملني بعداوة للأسف بدل ماتحس بغلطها رغم اني اعتذرت والله لان انا كنت مضغوطة جدا في مشاكلي مع زوجي لدرجة جالي أمراض نفسية وهي كانت شايفة ده ومطنشة وتقولي استحمل طيب لحد امتا رغم أنها في مشاكل اخواتي مابتتخلاش عنهم.. الله يسامحها لجأت لاخواني وخالاتي واخوالي عشان يقفون جنبي في محنتي لحد مااولد لأن أهل زوجي دول مش ثقة و ورطوني في مشاكل كتير فكان صعب اعتمد علا وقفتهم معي المهم رحت لبقية عيلتي وفوجءت بالمعاملة السيئة وتلميحهم المستمر انهم زعلانين مني عشان انفعلت علا امي ولقيت امي قالبة الكل على ولا حد عرض على يقف جنبي طلبت منهم اني في حاجة ليهم وأنه بايخة في حقي نبقى عيلة كبيرة وماليش حد يقف جنبي وبايخة اكتر أن ام زوجي المتسلطة بنفسها تقولي بسخرية اني ماليش غيرهم والاقي أسوأ معاملة منهم بالله عليكم قولولي اعمل ايه وهل فيه ام تعامل بنتها بالطريقة دي مهما بدر من بنتها انا حبيت ألفت نظرها للخطأ إلى ارتكبته في حياتي ودفعو تمنه الاولاد لكن هي اتعودت اني اسكت حتى في طلب حقي والنتيجة عمري ضاع وولادي عانوا كتير بسبب قرارات فاشلة هي امي إلى قررتهايعني انا كنت شايفة مصلحة أولادي في قرارات تانية لكن كانت دايما تقف ضدي لمصلحة ولادها وفي الاخر بدل ماتحس بالمعاناة عشاني تروح تقلب بقية العيلة على وطبعا مهما حاولت أوضح الصورة خلاص هي حطتني في دايرة اني ظلمتها ومحدش هيقف جنبي ونسيت أن هي الي ظلمتني في الأول.. انا دلوقتي ماليش حد ومقطوعة من شجرة قولولي اعمل ايه وزي ماقلت مستحيل اطلب عون أهل زوجي ولا حتا زوجي في وقفتهم معي لحد مااولد لأن سبق وورطوني في قصص الله يسامحك.. ارجو إلى مايقدرش يبعتلي حل يدعي لي لأن داخلة علا ظروف صعبة وسامحوني علا الاطالة