تعبت من لامبالاة زوجي بامور البيت

السلام عليكم ورحمة الله وبركاته حبيت اطرح مشكلتي اللي من ٧سنوات وانا اعاني منها بعد ٥سنوات زواج الحمدالله الله رزقني في بيت وشغل وحملت في الحمله الثالثه ولله الحمد ولاكن من استلمت البيت عدلت فيه شي بسيط جدا يعني غرفه نومي والبنات والصاله فقط وغرفه المعيشه يعني باقي اشياء وايد ماكملتها على حساب شوي شوي بنخلص مع الايام لان ماعنده زوجي للعمل زوجي ميسور الحال لاكن من ذاك الوقت وزوجي كل ما اقوله خله نعدل البيت كل شهر شوي انا راضيه مابيه ياخذ خرض عشان مايتلته وانا باتساعد معاه يقولي صبري صبري من ايب له طاري خله نعدل في البيت يصارخ في ويهي بطريقه مو طبيعيه للعلم اهو مو مقصر على بناته في شي ولا علي من حيث اكل وملبس اي وقت نطلبه مايتاخر بس من ايب له طاري نبي نخلص بيتنا ونعدل فيه لان بعد صار في تسرابات ماء في المجلس وبعض الغرف كل مره يوافق عقب يأجل في موضوع مره يقولي ماعندي مره يقولي انا في دورات ماعندي وقت دايمأ يوعد ومايوفي كله متردد في قرارته وهاذي الشي يتعبني وايد يعني اليوم يوافق عادي بكره يغير رايه او بعد يومين حتى بعد في سالفه السفر نفس الشي من نخطط نبي نسافر نبرز كلشي وتتكنسل السفره عقب طبعا يطلع اعذار عشان تتكنسل مشكله ماتقنع بس مشيتها وايد وتحملت تصورو حتى بيت الله مايرضى يوديني ولا مره جفت مكه قلبي متقطع