كيف أتعامل مع حماتي التي تؤذيني بكلامها

ارجوكم عايزه حل يرضي ربنا مش يرضيني فأنا أريد أن أعرف كيف أتعامل مع حماتي التي تؤذيني بكلامها انا والدي وامي منفصلين من زمان وانا عندي ٨سنين وكل واحد فيهم متجوز ومخلف وكل واحد فيهم في بلد وانا كنت عايشه مع امي من صغري لحد ماهي اتجوزت وعيشت معاها وربنا كرمها وخلفت كان في مشاكل كتير بيني وبين جوزها فضلت معاها لحد ماكبرت والمشاكل بتزيد لحد ماتعبت وقولتلها هروح لبابا مع العلم انه من يوم ماانفصل عن ماما مابيعرف عني شى تقريبا

اكتر من عشر سنين فاروحتله مستحملنيش لحد ماقعدت عند عمتي وبردو مستحملتش كل يوم كان يجي عريس وكان بابا يرفض عشان مش عايز يجهزني لحد ماتقدم جوزي في الاول رفض كالعاده بس بعدها وافق لما جوزي قاله انا هاخدها كده وانا هجيب كل حاجه فابابا ماصدق ووافق واتجوزت

طبعا ابويا مدخلني رخيصه من الاول بس قولت اهو رحمه ليا لان وقتها لاكان ينفع ارجع لماما ولا لبابا اتجوزت وقولت خلاص هرتاح بس طلعتلي حماتي انا عايشه معاها في نفس البيت بس انا ليا شقتي بس طبعا طول اليوم معاها وبطلع علي النوم وجوزي طبيعة عمله انه طول يوم في شغله وبرده بيطلع بيته علي النوم

حماتي بدات خناق معايا بقت تعايرني باهلي وظروفي اللي مليش ذنب فيها ودايما تشتمني بابويا وامي وباهلي انهم مابيسالوش عني وانا الى اسبوع ولا بترحمني دلوقتي انا حامل وخلاص هولد تخليني قاعده وتدعي عليا بالموت انا وعلي بنتي اللي لسه ماجاتش الدنيا والمصيبه قدام جوزي كويسه ومن وراه الوش يتقلب عليا

حتي اخت جوزي شتمتني وبهدلتني وهدتني ماقولش لجوزي لحد ماحماتي خلت عيله (بنت ابنها الكبير) تقل ادبها عليا وتبهدلني حتي البنت بقت محترمه معايا ق واول مايمشي تقل ادبها مشكلة حماتي عايزه تشتمني وتبهدلني وتعايرني وانا ماشتكيش لاي حد مره واحده استنجدت باابويا بس خذلني ولافكر يقف جنبي لحد ما قالي اوعي ترني عليا تاني انا مش ابوكي

جوزي عارف كل ده ومش قادر يعمل حاجه مع امه مره واحده وقف لاخته عشاني ومن يوميها وامه بقت تزود معايا في المشاكل وبقت تسخن جوزي عليا انا حياتي بقت جحيم كل يوم نكد لحد ما حماتي هددتني وقالتلي هرميلك عفشك بره وهكرشك وكل ده وجوز ي عارف بس يقولي استحملي وانا تعبت انا كل الخناقات بيني وبين جوزي هي حماتي انا كتير فكرت في الطلاق بس هروح فين ماليش حته اروحها

روح لامي وجوزها اللي مستحملنيش وانا بنت ولا اروح لابويا اللي خزلني وقالي مش عايز اسمع صوتك انا مليش حد غير جوزي غير كده انا متجوزه بقالي ٨ شهور هروح فين وانا حامل غير ان ماحدش هيرحمني انا قولت لجوزي اقعد لوحدي في شقتي فوق قالي اقعدي بس انا عايش مع امي وانتي خليكي لوحدك مع العلم اني حتي ممنوع انزل اجيب حاجه عايزاها استني لحد ماهو يجبلي ارجوكم عايزه حل انا جوزي قالي انا تعبت وكل واحد يروح لحاله وانا مليش مكان اروحه