أنا أجمل من حبيبي وهذا الشيء جعلني أتردد في قبول الزواج به

السَلام عليكم رح ادخل بالسالفه ، في بنت تعرف امي البنت هذي متزوجه ومعها عيال المهم البنت كانت تزور أمي بين فتره وفتره لانهم سنة من السنوات كانوا رايحين يأدوا مناسك العمره مع بعض .. الزبده البنت هذي لما تجي بيتنا كان اخوها يجيبها واخوها عمره20 سنة شافني فأحد الايام كنت فاتحه الباب لأخته لما هو كان جايبنها لـ بيتنا ولما شافني اعجب فيني وصار يسأل اخته عني من هذي ومن اسمها وكم عمرها وكذا اشياء المهم الولد صار يمر من قدام بيتنا كثير وانا كنت ملاحظة هالشي بس مو حاطه أهتمام م اريد اضلم احد الشارع مو شارع ابوي المكان عام المهم هو كان مقدصه اني يجي يشوفني ويتعمد يجي الصباح اوقات المدارس والظهر واحن راجعين ، الولد اعجب فيني بشكل كبير جداً وبتصرفاتي وقرر يقول لأخته تجي تكلمني وفعلاً جات اخته وكلمتني وقالت لي يريد يتواصل معي طبعاً كنت رافضه الشي رفضاً تاما لاني مو شغلي السوالف هذي وم اريد اشغل بالي وخصوصاً انا عمري17 بمرحلة الثانوية اريد احقق طموحي ، المهم اصرت اخته علي اني اكلمه لان هو اصر عليها بشكل كبير ووعدني انه رح يخصص وقت معين اننا نتواصل مثلا فقط الظهر او بعد صلاة المغرب نص ساعه فقط ومن بعدها اكمل مذاكرتي ، انا رفضت ورفضت وبعدين وافقت طبعاً التواصل كان على البي بي أم م كنت اعرف البرنامج هذا لان م استخدمته ابداً بس اسمع عنه من الاشخاص إلي حولي المهم تواصلت معاه وانسان طيب وخلوق وقلت له إيش الشي الي خلاك تكلمي قالي فتره وانا معجب فيك وحبيتك وكنت اراقبك واشوفك وماشاءالله عليك بنت اخلاق وناس ونعم التربيه الي فيك ولاحظت شي انك لما تمشين عينك م ترفعيها لفوق طول الوقت بالارض وهذا الدليل الكبير إلي وصلني لحبك وعشان كذا اصريت على اختي اني اكلمك واعترف لك اني احبك ، استمرت علاقتنا فتره وحبيته لان انسان خلوق وطيب والشي الي شدني فيه اكثر ان من لما عرفته للحين م طلب مني صورتي او عمره م قالي اطلعي معي او شي ، لان كانا نشوف بعض لما يجيب اخته بيتنا ، بس الي اريدكم تساعدوني فيه ان الولد ناوي يتقدم لي بعد دراستي للثانوية بس انا متردهه ولأسباب بسيطه انا بنت بيضا وجميله يعني بس الولد مو يساوي الجمال إلي انا فيه يعني مو ابيض شوي اسمر بس لم شافته بنت عمتي قالت لي انتي احلى وهو م مساويك وكذا ، بس الولد اخلاقه مرا عاليه وخصوصاً اننا صرنا كثير مع بعض في اشياء تفرحنا نضحك واشياء حزينه نحزن ونساعد بعض ، كل هذا مال في الموضوع وابي الحل منكم هل اكمل علاقتي معه واقبل الزواج ام اتراجع وانفصل عنه بحكم انه ليس بقدر جمالي..