عرضت الزواج عليه بعد طلاقي لكنه رفض والآن...

قصه منقوله لصديقه لي من مصر... انا خريجه تمريض عسكري ( جيش ) 2017 وكنت بحب شاب اكبر مني بسنتين وكنا ف مدرسه وحده . اتعرفت عليه ف الاعدادي وهو اتعرف عليا وزي مالكل عارف السن ده . المهم .. ف الاول كانت صداقه عاديه بدات الصداقه تطور لدرجه اننا كنا عارفين كل حاجه عن بعض اتعلقنا ببعض جدا حتى اعترف لي بحبه وكنت ابادله نفس الشعور . ده ف الاعدادي هو حبني جامد وانا كمان ولكن سننا كان صغير المهم.. ف الوقت ده اهلي حبوا يخطبوني لابن عمي حفاظا ع العيله واني بنت وحيده وابقى جنب اهلي. المهم .. رفضت واصريت ع الرفض وفكرت ف الفرار بس خفت ع اهلي وضحيت بنفسي واتخطبت.. المهم .. حاولت احب ابن عمي ولكن ليس ع القلب حكم وانقطعت علاقتي بالذي احبه ولكن كنا من حين لاخر نطمن على بعض ف حدود الواجب فقط اي ان المكالمه لا تتعدى دقيقتين. وحتى جاء الزواج فتزوجت بابن عمي بعد الثانوي دام الزواج 3 سنوات وانجبت منه بنت ولكن لكثره المشاكل وقله التفاهم فحدث الطلاق .. طبعا كنت بكمل دراستي وبحكم دراستي وفيه ليالي بيبقى عندي تدريب فبنتي بتكون مع والدتي .. المهم .. تفاجأت ان صديقي (حبيبي) ارسل لي رساله ع موقع صراحه برده ف اطار الاطمئنان فحبيت ارجع احكي معه كاصدقاء ولكن لقيت احساسي تجاهه بيرجع زي الاول فحاولت اصارحه ولكن هو تصدى لي ف الاول ولكن لم ايأس منه حتى وافق اننا نرجع زي الاول بس انا كنت حاسه انه خايف ع زعلي المهم شويه يبقى كويس معايه وشويه يقوللي( مش هينفع دلوقتي انتي اتجوزتي واطلقتي ومعاكي بنت وانا اتعذبت بعدك ومش عايز اتعذب تاني انا خايف ارجع احبك ) المهم عرضت عليه الزواج ولكن رفض... وحاولت بشتى الطرق ان ارجعه ليا حتى كصديق ولكن هو سد كل الابواب ف وشي هو طبعا دخل صف ضباط ف ( الجيش ) المهم .. خدت قرار بيني وبين نفسي كفايه قله كرامه لحد كده فقفلت ع قلبي بالمفتاح وحاولت مافكرش فيه ...... وفضلت سنه معرفش حاجه عنه المهم .. اتخرجت وحياتي مشت طبيعي خالص بين بنتي واهلي ودراستي اللي خلصتها ف طبعا الطبيعي قدمت ورقي ف الجيش عشان الوظيفه ف انقبل الحمد لله .... فانتقلت ف المحافظه اللي شغلي فيها ونزلت الشغل عادي جدا ... فتفاجأت بمجموعه عساكر وضابط مطلوب منهم يشوفو ايه اللي ناقص ف المكان من معدات عشان يكتبوا تقرير اجراء روتيني يعني.. فذهبت لكي التقي بهم لاعطيهم التقرير .. فكانت الصدمه انه هو الضابط طبعا كنت اتمنى انه يكون حلم او حتى كابوس انصدمت صدمه عمري لان بجد كنت ماصدقت ان اتأقلم ع وضعي من غيره وهو كمان اتفاجأ بيا المهم.. حاولت ان اتمالك اعصابي وعاملته معامله رسميه ومن هنا بدأ يستغرب واخدت نفسي ورجعت مكاني . عدى بضع ايام ولم يمررر فقولت انه مش ف دماغه حد ولكن جاء لسبب الي القسم وقابلني صدفه ولكن لم اقف له فوقف ونادى عليا نداء رسمي فرجعت له وحاول انه يسأل عليا ولكن لم اعطه جواب وتركته وذهبت المهم حصلت احداث كتير خلال شهرين منذ ان بدات العمل وانا كل معاملتي رسميه واصبح ياتي باسبابا غير مقنعه هو وصديقه واتفاجأت مرره اخرى بصديقه الذي يريد رقم والدي لكي يطلب يدي ولكن لم اجاوبه وحين كرر عليا السؤال فقولت له صديقه الضابط فلان معه رقم والدي خذه منه فتفاجأ ان صديقه يعرف والدي المهم .. تفاجأاات ثاني يوم اذ هو ( صديقي ) ياتي ويستأذن لي لكي يخرج معي المهم حاولت كتير بس معرفتش ماخرجش فمشيت معه قريبا من مكان الذي اعمل فيه فقال لي انتي موافقه على زميلي قولت له لما لا اوافق شكله انسان محترم وعارف ظروفي وراضي بيها وببنتي فرد وقالي وانا المهم ضحكت ضحكه سخريه فرد قالي انا اللي هتجوزك انا عرفت غلطتي وعرفت اني مانستكيش ولسه بحبك وهكلم باباكي فانا دلوقت محتاره بينهم رغم اني لسه بحبه بس انا عرضت عليه قبل كده وهو مرضاش ليه دلوقت بالذات