هل تصدقون أنني خطبت حبيبة صديقي!

مرحبا عندي مشكله وهي مزعجتني وصرلي اسبوعين ما عارف انام واكل ولا شيء حتى اسوي إلي صديق بشتغل معي بالشركه وصرلي بعرفه اربع سنين بحبه كثير وبجترمه وهو احسن من اخوتي معي واله افضال كثيره علي . صديقي سلبياته كثيره ( سكير درجه اولى وكل عمره بالبارات والملاهي والسفرات بره وطشات نسائيه كثير) بحب بنت ودائما بحكيلي انه يعشقها ومتأكد انها راح تغيره وتطلعه من بؤرة الغلط يلي هو فيها انا شفت انها كثيره عليه وما بستاهلها مؤدبه ومحتشمه ومثقفه والله ما بستاهلها . طلع سفره من سفراته المعتاده برات البلد لمدةثلاث شهور وضايله 19يوم ليرجع وانا استغليت هالفتره وخطبت البنت يلي بحبها هو وانا ما بعرف ليش عملت انا هيك يمكن عشان احمي البنت منه ، يمكن من حكيه عنها انا صرت احبها ما بعرف وهو ما بيعرف اني خطبت واكيد راح تحكوا اني مو صديق وبالعكس انا عجزت معه وانا ابعده عن الغلط ولكن عبث ... وقبل اسبوع حكى معي وخبرني وهو متحمس انه راح يجيب اهله معه ويخطبوا البنت وانه اخيرا راح يتغيير ويترك النسوان والسكر ويصير يصلي ... وانا لم شفته هيك ضميري وجعني واضطريت اني افتعلت مشكله مع خطيبتي تمهيدا اني اطلقها قبل ليرجع عشان يرتبط فيها ويتغيير مثل ما بده ...انا خايف على البنت وخايف من ردة فعل صديقي دلوني شو اعمل