يكره زوجته ويريدني زوجةً له فكيف أتصرف معه؟

السلام عليكم انا بنت عمري٣٠سنه كنت مخطوبه لشخص احبو ويحبني لكن مشكلتو متزوج وبينو بين مرتو مشاكل من قبل معرفتي فيه لدرجه انو طول اليوم معايا اعرف كل تفاصيل حياتو طلب رقم بابا وخطبني لكن ابويا شرط عليه معرفه اهلو عشان المشاكل وقعدنا ٣شهور تقريباً منتظرين معرفه احد من اهلو لاني بنت ماسبقلي زواج وعشان اضمن حقي ف المستقبل فاتح امو بالموضوع رفضت تجي الملكه معاه وخيلانو وابوه الكل رفض عشان الزواجه الثانيه ومشاكلها ويعلم الله اني ابغا الستر مع الشخص الي احبو وشرعاً لازم يعطي زوجتو الاولى خبر انو حيتزوج لكن هوا مجرد رافض خوفاً انها تسيب البيت او تطلب الطلاق وهوا يقول بعد الزواج افاتحها انو اتزوجت عليها انا رفضت الفكره دي لانو حتكون صدمه عليها وللاسف الشديد هيا الي ماحافظت عليه طول الوقت بره مع صحباتها او فبيت اهلها وهوا اكلو وشربو كلو من بره عايش عزوبي ماكانو متزوج المهم اختلفنا على نقطه مرتو انو يفاتحها ويقنع اهلو يجو معاه وحسيت الموضوع طول وبدات المشاكل بيننا ف اضطريت اني اقطع العلاقه واعطي بابا رد بالرفض وفعلاً كلمو بابا وقلو البنت رافضه بسبب كذا وكذا وانا يعلم الله قد ايش اعشقو لكن خفت على نفسي ومستقبلي ابغا اعرف هل قراري صحيح او غلط افيدوني بدون تجريح..