أصغر مني بعامين لكنني أحببته من كل قلبي

السلام عليكم انا طالبة جامعية عمري 24 سنة بدأت مشكلتي من سنه تقريبا ولا عارفه أوصل لأي حل فيها قبل سنة ما كنت مقتنعة في العلاقات وما عندي اي علاقة حب او صداقه او حتى زماله وكنت مركزه في دراستي وما بسمح لنفسي افكر في ارتباطي عن حب وكنت معتقده انه زواجي بالطريقه التقليديه افضل اشي ولكني للأسف الزواج التقليدي صار عندي موضوع محزن لانه ولا قادره أتقبل اي حدا من الي اتقدمولي وانا الله أكرمني بالجمال الحمد لله وكل الي تقدمولي على اساس معهم فلوس او شهادات عليااا وانا انسانه مو ماديه ابدااااا وكان كل همي الاقي الشب الي ارتاح معه وبس والفلوس بالنسبة الي ثانويه المهم أتعبت من هالموضوع وحسيت أنه جمالي بنشرا بالفلوس ولازم أوافق لانه هما مناسبين وما بنقصهم اشي بس المشكله انهم مش مناسبين الي انا وقررت أركز في دراستي اكتر المهم من سنة تقريبا صادفت زميل الي في الجامعه وطبعا كان سنه 3 وانا كمان3 ولكن هو أصغر مني بسنتين واول مره اشوفه وكنت مصدومه لأني اول مره اشوفه في الجامعة ولما شفته وكأني بعرفه من سنين بس انا كنت بوخد محاضراتي وبروح على البيت على طول وصدقا ما كنت احب اتاخر دقيقه وحده في الجامعه وبس شفته حسيت حالي اني مهتمه لأمره كتير وبنبسط في وجوده كتير وهو ببادلني بالنظرات بس مشكلتي إني حزينه بنفس الوقت لأني ما اطلعت ولا اجت عيني قبل على اي شب وخايفه يكون اخذ فكره عني غلط واني مو محترمه وعلى هالحال من سنه كله بس نظرات ومو فاهمه عليه وطبعا هو ما بعرف انه هو اصغر مني بسنتين وقلقانه لو عرف أنه في فرق بالعمر كمان واحنا التنين خريجين وانا بدي اكمل ماجستير ان شاء الله والله تعبت وهو شخص كتير محترم وما اله على قصص البنات ولا عمري شفته مع بنت واقف وهو حدا محبوب في الجامعه ومهتم في دراسته وشخصيته حلوه وانا مو عارفه شو اعمل بفكر لو هو بحبني كان حاول اكتر من هيك ولو كان كمان ما بحبني المفروض ما يهتم لوجودي ولا يطلع علي اصلااااا ساعدوني الله يسعدكم .