لا أستطيع مسامحة حبيبي بعدما رأيته يقبل صديقتي المقربة أمام عيني

السلام عليكم مشكلتى ان انا حبيت بجد من قلبى وللاسف كان اول حب فى حياتى وهيفضل اول حب الى مش هقدر انساه حبيته 4 سنين فضلنا سنين كتيره اصدقاء مقربين وقلب بحب هو ابن صاحب بابا حبيته وكنت بثق فيه اكتر من نفسى كنت معرفه اهلى بقصه حبنا وهو برده عرف اهله وكان الاهل موافقين كلامنا كله كان بما يرضى الله وعمرى ما قلت لفظ يغضب ربنا وهو بيحبنى ومحافظ عليا انا وهو من محافظات مختلفه كنا بنرسم لحياتنا بطريقه مثاليه اتفقنا على كل حاجة حتى على الرغم من منصب اهلنا واحنا الاتنين من اسر غنيه بس اتفقنا اننا نعتمد على نفسنا فى تأسيس حياتنا اكتشفت اكتر من مره بخيانته ليا يعنى كان بيكلم بنات وكل مره كان الكلام يوصلنى من ناس مختلفين كنت اتخانق معاه وكل مره اقرر نسيب بعض يعتذر ويقولى انا مش عارف بجرحك ازاى انا عمرى ما كنت اتخيل انا الى اعمل فيكى كدا انا اسف سامحينى واخر مره كتت بسامح عشان متأكده من حبه ممكن يكون وسامته الزايده هى سبب اعجاب البنات ليه البنات هى الى بتقرب منه ومفيش راجل يلاقى بنات تقرب منه ويصدها هو خانى وكلم بنات مرتين وسامحته بس بعد ما سبته فى المره الاولى شهرين والمره التانيه سبته اكتر من سبع شهور عمل المستحيل عشام اسامحه وكلم بابا وعرفه وكان بيجى فى عند بيتى ويفضل مستنينى بالساعاا اخرج صدفه عشان يشوفنى فى مره فضل ماشى ورايا وصور صورة وكنت انا باينه فيها من بعيد وبعتها ليا عشان يعرفنى انه قريب وشايفتى سامحته بس خيانته ليا سبتلى شرخ كبير خيانته كانت مجرد كلام وسطحى جدا والمره الاخيره كانت مع صاحبتى المقربه دى بالنسبالى كانت القاضيه ولما اعرف ان صاحبتى هى الى كانت بتقرب منه اثناء خلاف تافهه بنا كانت صدمه هو فضل يكلمها كأخت لغاية ما هى كلمته وطلبت منه يجى ليها فى ماكن عام وانا كنت عارفه انها فى المكان داه وكنت مخنوقه من البيت وقلت اروح ليها حتى لو مش لقيتها هقعد شويه وابقى اروح بس كانت الصدمه وانا بركن العربيه شوفتهم بيتكلموا وهى بتمسك ايده وبيتكلم ولقيتها بدأت تقرب منه وبسته وهو فضل دقايق يبوس وحصل انها بدأت تتجاوز وبعدين هو بعد ونزل بسرعه ومشى انا مكنتش قادرة اخد نفسى وروحت بعتله رساله كبيرة وبهدلته و عملتله بلوك وعملتلها واخوه الكبير كلمنى وانا حكتله كل حاجة وقلتله انا بكره نفسى عشان حبيت انسان زى اخوك الموضوع داه مر عليه 19 يوم دخلت فى مرحله اكتئاب حاد بقيت بمسك اى اله حادة واجرح فى جسمى معنتش باكل وضعفت جدا وبقى يغمى عليا ومحدش من اهلى يعرفوا حاجة عن الموضوع هو بيحاول يعتذر بس مش قادرة اسامحه خاصة بعد ما شفت خيانته ادام عينى كل ما افتكر خيانته ببقى عايزة انتحر وفى مره اهلى كانوا فى عزومه عائليه وانا رفضت اروح وفضلت فى البيت وقمت فتحت الغاز وجالى تسمم وصدفه ان اخويا الكبير كان نسى موبايله ورجع يجيبه ولقانى مغمى عليا ودخلت المستشفى وحاليا رجعت فكرت الانتحار تلازمنى كل دقيقه وكل ثانيه