رغم حبه الكبير لي إلا أني لم أستطع أن أحبه، فما الحل؟

السلام عليكم انا بنت كنت احب شاب و دامت علاقتنا ٤ سنوات .. ما حصل نصيب و تركنا و بعد بفترة قصيرة في شخص كان بيعرف بعلاقتي مع السابق .. اجا و اعترفلي بحبو و بأهتمامو فيني .. انا ما كذبت عليه و خبرتو انو انا ما بحبو .. بس هو ضلو مصر على انو بيوم من الايام ممكن احبو .. او حتى مو ضروري احبو .. المهم انو اسمحلو انو يضل جنبي و معي .. و على رأيو "مو ضروري احبو لانو هو بحبني و هاد بكفي " ... ضل موجود بحياتي فترة ٣ سنوات .. ٣ سنوات و هو بعاملني بنفس الطريقة و نفس الاهتمام و حتى حبو الي كان يزيد ... هلا انا ما بعرف اذا انا تعلقت فيو او حبيتو او حبيت اهتمامو .. بس صار جزء من حياتي .. بطلت اتحمل انو يغيب او يتركني .. صرت اهتم فيو شوي شوي ... هو كتير بحبني و بشجعني على كل اشي بدي اياه و اهلو كنير بحبوني .. بس المشكلة انو هو مو من نفس مجتمعي .. بيئتو يتختلف عن بيئتي .. في تفاصيل كتير بتختلف بيننا .. خايفة اكمل معو .. بس بنفس الوقت انا مستحيل الاقي شخص بحبني بالدرجة اللي هو بحبني اياها .