يتقرب لي عندما تبتعد عنه حبيبته فهل أقبل بهذا الدور؟

مرحبا كان الي زميل بالجامعة ل مدة ٤ سنين ف مرتبط ببنت ف يرتبطو فترة ويتركو سنة وهيك ..لمهم هي البنت بتغار كتيييير من اي حدا وصارت تغار عليه مني رغم انو ما بحاكيه برا الحدود ابدا وخاصة بهديك الفترة كنت شهرين ما عم انزل الجامعة بس هي كانت قال عم تتخانق معه حتى اذا رمى علي السلام ووصلت لأمور بالاخر لدرجة خيرته بيني وبينها واختارني انا (يمكن من باب تعصيب)  .. واجت حاكتلي هل الشي واتهمتني انو في شي بينا لانو متمسك برفقته معي وانا عرضت عليها تاخد موبايلي ع البيت تشوف اذا فيه حكي بينا من اصله غير طبعا حدود زمالة او دراسة او شي ضروري وانو تواجهني بموقف او كلمة غلط تصرفتها...لمهم اعدت فهمها وهديها وهيك بس ما تصالحو ورفيقي اجى عتزرلي عنها وخبرني انو انا رح ضل رفيقته سواء رضيت او لاء وانو امه اذا بتطلع من قبرها وبتقله ما يحاكيني ما حيرد انا بعدت شوي بسبب مشاكل خاصه فيني وتخفيف للحساسية وغم هيك طلع عليي حكي بشع كتييير انا ما عملته وكذا رغم اني صرت قلل زوق مع الشب وهو رفيقي وما غلط معي بس كرمال ما تدايق حبيبته وفهمه انو  انا ما بتحمل اجرح بني ادم لو بلا قصد ف قررت بعدين ارجع اتعامل عادي معه متل ما بعامل بقية رفقاتي... بصراحه هون هو صار يهتم فيني غير العادة التعامل ويكون كتير منيح معي ولطيف وتلميحات واسئلة شخصية ايمت حاطة بالك تتجوزي مثلا و... فأنا خفت يتعلق فيني وهو ما بيعنيلي شي وكمان مشان ما حدا يفكر انا خربت بينهن وخاصة حبيبته طلعت عليي حكي بالجامعة والله لعظيم ظلم ف نسحبت ع الاخر وصرت اتهرب منه وصده وهو ضل فترة منيحه بعدها متخانق معها بعدين رجع تصالح لدرجة زميل مشترك بينا قلي انو شكلو لشب حاول حاول معك وحس مافي امل منه ف رجع للبنت الاولى لهم اقتصرت علاقتي فيه ع السلام واتهرب حتى من السلام معه لما سببله مشاكل معها .. بعد فترة رجعو تركو وهو رجع تقرب مني واهتم فيني وبحياتي واكلي وصحتي واخبار اهلي وتفاصيل التفاصيل واتحايل علييي ليجي ع الحديقة يتعرف ع اخواتي الصغار ويدللهن وانا هون هل المرة مال قلبي إله ما بعرف كيف وتعلقت رغم انو بحياتي ما كنت فكر فيه ولا شايفته من اصله من جهة تعلقت فيه ومن جهة مشاعري كتير مخربطة وما عم اقدر رجعها متل قبل ما بعرف هو السبب تصرفاته او السبب كتر الزن والحكي يلي طلع علينا !وما كان في شي من الحكي صح بس كتر الحكي خلانا ننتبه لبعض كأنو ! .....لمهم هو هلأ فجأة نسحب بدون سبب (بس احيانا بحسه خايف متل ما انا خايفة من ردة فعل العالم حولينا خاصة انو حنثبت الاتهامات يلي طلعت علينا وهي فعلا كانت ظلم) خفف التعامل بينا وبعد فترة رجع لحبيبته هلأ وانا ما بعرف مخربطة كتير وما بعرف ليش صار فيني هيك رغم اني ما كان بدي لا اظلمها ولا اظلمه معي او علقه ... شو اعمل خاصة انو حاسة رح يرجع يتخانق معها ويمكن يرجع يحاول معي