كيف أتصرف مع زميلي الذي رجع لزوجته بعد أن علقني به

انا نفسيتي مدمرة اتعرفت على واحد على النت لمجردالاسئلة في العمل وده كان غرضي فقط فضل يتكلم عن مراته انها باردة جنسيا وهيتطلقوا واخد الكلام منعطف اخر عملت بلوك وبعدين كنت متخانقة مع اهلي بالبيت ومش بابرر خطأي رجعت شيلت البلوك وتحدثت معه وفي يوم تبادلنا احاديث المتزوجين وانا لست متجوزة عازبةوبعدها تكررت المحادثات الى ان فجأة قال لي بفرحة شديدة انا هأرجع مراتي واتصالح معها وده عشان خاطر ولادي قلت له ...طيب تدخلني ليه في علاقة على النت معاك ما علي مراتك ترضي عنك في عرف مين ...انت تعرف اللي قدامك ظروفها ايه او حالتها النفسية ازاي احنا مش ملائكة.. رد بكل استهتار انا فهمتك اول ما كلمتك وبعدين احنا نفضل مع بعض لنا حياتنا الخاصة واي مشكلة تعوزي تحكيها قولي ليا عليها ...انا زعلانه على نفسي وكرامتي وهو بيقولي انتي ليه محسساني اني غلطت معاكي وانك حامل مني يا هبله ده فضفضة على النت ...رديت قلت معلش انا معقدة انا كلمته وعندي شعور بالوحدة والكآبة رهيب مش بأبرأ نفسي بالعكس ابدا انا نسيت نفسي ببس عندي احساس بكرامتي اتهانت السؤال ارجع اعمل له بلوك ولا هيقول دي غيرانة اني رجعت لمراتي او يستغل الموضوع ضدي لمعرفته بأحد الأشخاص في شغلي على الرغم من حلفانه انه بيخاف عليا. عايزه حد يهون عليا هو انا كنت حبيته لتعويض النقص عندي ولا الغريزة اللي في كل إنسان