فعلنا المستحيل لنبقى مع بعض لكن القدر أقوى، ماذا أفعل؟

انا بكتب المشكله دى وانا متحطمة ارجوكوا اعتبرونى اختكوا الصغيره او بنتكوا وحاولوا تفهمونى انا كنت بحب شاب مدة سبع سنين وهو بيحبنى جدا كات بيخاف عليا اكتر من نفسه وفضل مراعى ربنا فيا وقالى هفضل مراعى ربنا فيكى لاخر نفس فى عمرى واثبتلى كدت افعال مش كلام وبس كان معرف اهله عنى وعن علاقتنا واهله كانوا موافقين انهم يتقدمولى هو مهندس بترول واخوه الكبير مستشار فى مجلس الدوله واخوه التانى دكتور جراح واخته الصغيره دكتورة نفسيه وباباه لواء فى الجيش وامه دكتورة قلب انتوا شفتوا هما ايه يعنى مش ناس كنت اتخيل اهلى يرفضوهم بعيد عن كدا هما اخلاقهم عالية اوى وناس محترمه فوق الوصف اهلى اول ما عرفوا بعلاقتنا انضربت من ابن عمى عمل نفسه اخ كبير عليا للعلم انه مش محترم واكتر من مره لاحظت ان نظراته ليا مش كويسه بس حب يثبت لبابا ان الشخص اللى بحبه مش كويس اول ما حبيبى عرف ان اهلى عرفوا جيه هو واهله اتقدملوا مش مره واحده لا ١٧ مره انتوا متخيلين وكل مره كان يترفض اخر مره انطرد هو واهله وبرده كلمنى قلى مش هسيبك وهفضل اعافر العمر كله عشانك لغاية ما اتقدملى واحد من صحاب ابن عمى فى نظر بابا انسان كويس بس انا مستحيل احبه واتخطبنا كنت بموت فى كل مره بخرج معاه او يقولى كلمه حلوه كنت ببوس رجل بابا عشان يوافق بحبيبى كنت بعد ما احس انه حن وممكن يوافق ويجى ابن عمى ويقسيه اكتر من الاول حاولت مع امى كانت بتعيط اكتر منى وتقولى كل مره بشوفك منهارة كدا وانا مش عارفه اعملك حاجة ببقى بموت كلمت اختى الكبيره وجوزها قابل حبيبى وجيه لبابا يقنعه بابا اتعصب عليه وزعق معاه واهان جوز اختى انا والدى اطيب مما تتخيلوا بس مفكر ان اخواته بيحبونا ولانه اصغر اخواته على طول بيستشيرهم فى معظم خصوصياته انا كتب كتابى يوم الخميس داه مش هقدر اكون مع انسان تانى غير اللى بحبه ولو حكمت اموت بس مش اشيل اسم تانى غيره ولا اكون مع حد غيره كلمته امبارح اول ما سمع صوتى سكت كلمته وانا بعيط واقوله اعمل حاجة مينفعش حبنا يخلص بالسهوله كدا قالى وهو صوته مخنوقه انا عملت كل حاجة عشانا بس كل حاجة فشلت حاسس بالعجز وانا مش عارف اخليكى من نصيبى مع ان انا يعتبر عملت كل حاجة كنت اقدر اعملها مفيش حاجة معملتهاش قلتله مش قادرة احبه ولا هقدر انا عايزة اهرب واسبلهم البيت انا مستحيل اكتب كاابى لحد تانى غيرك اتعصب عليا وقالى انا مش عايز جنان انتى فاهمه ايه اللى هيحصل لو هربتى عارفه ايه اللى هيحصل لسمعتك فاهمه اهلك هيعملوا ايه ساعتها هيقتلوكى قولتله يعنى انت كمان اتخليت عنى انا محتاجاك قلى وانا محتاجك اكتر انا لو اطول اخطفك كنت عملتها بس الحياه جات علينا اوعى تهربى ارفضى وانا بعمل حاجة عشانه صدقينى انا روحت لباباكى ٦ مرات من غير اهلى و كلمته واتذللتله عشانا مش فشلت اخليه يوافق انا طول حياتى عمرى ما فشلت بس المره الوحيده اللى كنت عايز حاجة فيها فشلت قالى انا هروح ليه تانى وتالت قفلت معاه وانا مش مصدقه انه هيسبنى ابقى لحد تانى غيره كتب كتابى فاضل ٣ ايام عليه مش هقدر اكون لحد تانى غيره مش هقدر انا جهزت كل حاجة عشان اهرب ومستنيه اللحظة دى بفارغ الصبر وحتى مقرره ان انتحر اول ما اهرب عشان كدا كدا انا ميته كدا كدا اهلى مش هيرضوا يعيشوا لحظة وهما موطين راسهم عشان واحده زيي مش عارفه اللى بعمله صح ولا لا