هذا الإتصال لن يغير قراري فهل تنصحوني أن أتصل به وأطمئن عليه؟

اشتقت له لا يمر يوم بل لحظة دون أن أفكر فيه كل ما زادت مدة البعد عنه كل مازاد السوق والحنين له ...جمعتنا الظروف بالصدفة لا ادري كيف اول مرة شفته فيها تغلغل في قلبي كاني أعرفه من سنوات وهو كذلك الشيء وظلت الأمور بينا بحدود النظرات والمجاملات إلى أن تعمقت اكثر واعترفنا بحبنا لبعض وكانت اجمل ايام حياتي... اهتمامه وحبه الي حتى بادق التفاصيل خوفه علي كلشي فيه خلاني أعشقه ...لكن للاسف ما انكتب نكون لبعض واختصرت على نفسي العذاب وقررت اتركه بعز حبنا بعدت عنه اترجاني بس لو اسمحله يطمن عني لو اتصال مني مرة بالسنة يسمع صوتي ويطمن علي وانا رفضت لأنه مستحيل نكون لبعض ...مع اني اموت واسمع صوته وبحنله كتير بس ما برجع عن قراري ...بعرف أنه حزين وتعبان ومشتاق ...المشكله انا اكتر منه بفكر ارنله بعيد الحب بس اسلم واتطمن عليه محتارة اتصل فيه بس سلام واسمع صوته والا اضل على قراري ...انا بعرف حالي ما رح ارجعله ومستحيل اكون معه وهالاتصال ما بغير قراري لو هو بده يموت ويترجاني مستحيل ارجع بس كتير حابة اسلم عليه مش عارفة اتصل أو لا شو بتنصحوني ؟