أحبه وهو يفعل كل شيء ليثبت أنه لا يحبني

السلام عليكم  ..عندي مشكلة كتير تعبت منها والله اعلم . ارتحت كتير لما شفت موقعكوا واتمنى تتفيدوني لأني أنا عنجد تعبت .. وبتمنى تعطوني حل .. . انا بنت .. بحب شاب صارلي تقريبا 6سنوات ..هو ابن عمي هالشاب .. كنت انا واهلي عايشين بالسعودية وكنا ننزل علأردن بالعطل .. المهم ..احنا ساكنين بعمارة عائلية 3طوابق وكل طابق فيه شقتين وهالعمارة فيها عمامي يعني .. احنا كنا الطابق الثالث .. وقدامنا كان بيت عمي ال هو فيه ابن عمي اللي انا بحبو .. المهم حببتو كثير وتعلقت فيه عنجد يعني ربنا العالم قديش حببتو وبحبو كثير والله العالم قديش عانيت بموضوعو .. المهم ... بدي اختصر القصة مشان ما اطول .. انا حبي ألو كان من طرف واحد .. يعني عمري فحياتي ما حكيتلو مباشرة او وجها لوجه اني بحبو .. وهو شخصية لامبالي ابدا و مابهتم الا بحالو .. ومتكبر .. يعني وجودي وعدمي عندو واحد وهالشي طبعا بموتني .. وياما عانيت وضليت هيك احبو لحالي.. مع الأيام هو عرف اني بحبو بس انا ما ماحكيتلو طبعا .. هو عرف . بدون ميعرف اني انا عرفت انو هو عرف .. .. وبرضو بعد معرف اني بحبو ضلو على حالو .. ما يهتم فيي ولا يحكي .. ومش منيح ابدا بتصرفاتو معي .. وهو كان يحب وحدة اول وتركها وانا كنت لسه بحبو من طرف واحد وهو موشايفني ولا حاسس فيي ... وألإن حاليا هو على حالو ما تغير .. وهو حاليا بحب وحدة وببحكي معها عالفيس بوك .. وانا بحبو كتير .. بالمختصر اني انا بحبو كتير من طرف واحد وهو مش حاس فيي ولا منتبهلي بالرغم من انو عرف اني بحبو .. وعمل كل هالتصرفات ال بتدل على انو ما بحبني .. انا موقادرة انساه كلشي حولي بذكرني في اصلا هوي بيتو جمبي والظروف ما بتساعد ابدا .. اني انساه مش قادرة ا انساه اصلا بحبو كتير وموضوعو اتعبني .. احيانا بحكي انو بما انو هيك مو مقدر حبي ألو مابيستاهل بس بحس حالي كل ما اشوفو بضعف لأني بحبو ومش عارفة شو اعمل انا تعبانة كتير الرجاء انكوا تفيدوني قصتي اني بحب وا من طرف واحد ومش عارفة شو الحل