من المفروض أن يبادر بالصلح أنا أم هو؟

انا كنت مخطوبه لشخص و بحبه جداا و هو كان بيحبني جداااا جدااااا وكان بيحاول بكل الطرق يثبت لي حبه و يرضيني و ظروف شغله خلته يسافر خارج البلاد هو كان بيستحملني كتير ف كل حاجة وانا كلامي معاه كان اوقات بيكون جارح يعني يجي عندنا البيت اقوله متجيش هنا تاني و اقفل الباب ف وشه لما كان يجيب حاجة تخصني نتيجتي مثلا اقوله انت مالك دي حاجة مش تخصك وكنت كده لحد ما سافر شغله خارج مصر يعني لشهور للاسف انا مش كنت بعرف اثبتله حبي مش كنت بعرف احتويه و هو ف غربته ولا اعرف بياكل فين بيشرب ايه اخبار شغله ايه يمكن علشان بخاف ابان ضعيفه و ييجي عليا زي ما كل اللي حواليا بيستغلوني و ييجوا عليا كنت قاسيه معاه واي حاجة تحصل بينا انسحب فورا من غير تردد و اقوله نسيب بعض حتي لو اتخانقت مع اهلي ف البيت مش بسببه اصلا يعني هو مش ليه اي علاقه ابعتله مسج اقوله نسيب بعض كان بيزعل و يقولي مش احسسيني ان دي اسهل حاجة عندك انك تبعدي عني انا وانا اصلا مش ليا ذنب ف حاجة وكل ما نتخانق اقوله نسيب بعض ابعتهاله ف مسج يعني مش اتصل بيه لحد ما مره بعتله مسج و قولتله اني جهزتله حاجته كلها و ادتيها لبابا علشان يديها لبباك وان خلاص كل شي انتهي المره دي هو بعد من غير حتي ما يعرف السبب ايه انا اتصلت بيه بعدها بكتير جدا بعد ما بهتله حاجته كلها بيت بباه علشان اشوفه هو مش كلمني و سال ليه ايه السبب قالي ان اسبابي كلها مش تدخل ف دماغ عيل صغير وان دي اسهل حاجة عندي اني قعدت و قررت و بعتله مسج ابلغه اني جهزتله حاجته مش فكرت حتي اني اتصل وكان هو اخر من يعلم و قالي اني كسرته و جيت عليه وانه مش هيعرف يرجع معايا زي الاول انا حلولت كتير اكلمه بعدها علشان اصالحه بصراحه مش جربت اتصل كانت كل محولاتي مسجات لاني كنت بخاف يجرحني بحاجة لما اتصل بيه كان بيرد ع مسجاتي اني كسرته وجيت عليه وانوا مش لعبه ف ايدي ارميها و ارجعها تاني بمزاجي حاولت اصالحه كتير كلمت قريبته تحاول تتفاهم معاه ف بدايه الامر كان بيرد عليها بنفس رده عليا اخر مسج بعتهالي قالي انا مش هقرا مسجات ولا هشوف حاجه ولا هسمع حاجة و لو سمحتي مش تبعتي اي حاجة تانيه لاني مش هشوفها ومش تصعبي الموضوع عليا و عليكي اكتر من كده انا مش هعرف ارجع تاني زي الاول انتي كسرتي كل حاجة كانت بينا .. هو ممكن فعلا يكون بطل يحبني ولا اللي بيحب حد مش بيبطل يحبه انا مش عارفه اتكلم معاه بسبب سفره هو من وقتها مش رجع من السفر خالص انا مش عارفه اعمل ايه انا فعلا بحبه جدااا بس مش كنت عارفه ابينله ده يمكن كان تفكيري مختلف وقتها لاني كنت لسه صغيره كنت خايفه ييجي عليا ف كنت بعامله كده مش عارفه بجد لكن انا بحبه جداا وفعلا حاولت ابعتله مسجات كتير جدا وهو مش كان بيشوفها ولا يرد عليها هو بقاله فتره كده مسافر و سايبين بعض هو كده نسيني ولا الحب بجد مش بيتنسي و هو المفروض راجع كمان شهرين احاول اقابله و اتكلم معاه ولا لا هو لو بيحبني هو اللي هيحاول يشوفني و يصلح الموقف بجد انا تعبانه جدا حاولت انساه بكل الطرق مش عارفه انا حبيته بجد انا بقالي سنه بحاول انسي مش عارفه اوقات بقول لنفسي اكيد هو كمان زيي كده مدام انا مش عارفه انسي انا اللي اعرف انو مش ف اي حد دخل حياته لسه اعمل ايه حد يقولي ايه اللي المفروض اعمله و هو لو بيحبني هيرجع ولا اللي عملته فيه يخليه مش يرجع تاني مين اللي المفروض يحاول يصلح الموقف انا ولا هو