كيف اقنع أهلي بأن يوافقوا على زواجي من هذا الممثل التركي المشهور؟

مشكلتى مش عادية زى اى مشكلة بنت بتحب واحد انا فعلا مشكلتى كبيرة. من كام سنه كنت بتفرج على مسلسل تركى وكان فيه ممثل دورة بسيط اوى اوى اللي هو حلقتين تلاته وبس دورة على كدا انا روحت دورت على اكونته على الانستا فضلت ازيد من اسبوع بدور عليه ولقيت مفيش اصلا عنده متابعيت غير صحابه واهله وكدا روحت عملتله فلو ودخلت كلمته رد عليا وكان فرحان اوى اوى لما لقانى معجبة بتمثيله اللي محدش خاد باله منه اصلا وكنت على طول بفضل احمسه ان مستقبلك كويس ومتزعلش وكدا لان مفيش دور واحد اتعرض عليه نهائى الفترة دى فضلنا نتكلم حوالى سنه ونص كأصدقاه وقالى انه نازل مصر زيارة ودى اول مرة ليه وقالى نفسى اشوفك واللي طمنى ان اقابله ان اخته وباباه كانوا معاه ولما روحت اعرف اهلى عرفتهم ان صديقتى البنت وان انا معرفش اخوها اصلا ولما روحت قابلته بعتلى رقمه ورقم اخته عشان نعرف نتواصل واول ما قابلنى سلم عليا وكانت عنية فرحانه اوى وانا فرحانه جدا وفضلنا نتقابل كل يوم لغاية ما رجع دولته واول دور اتعرض عليه لقيته رن عليا وهو فرحان جدا وبيحكيلى فضلت احمسه واشجعه وسبحان الله دى نقطة تحول بالنسباله عشان من بعدها واتعرض عليه اعمال كتيرة بادوار تعتبر كبيرة وبقى بيكلمنى كل يوم يعرفنى اخبارة وهيعمل ايه وانا بردة بعمل كدا لغاية ما اتخرجت من الجامعه واشتغلت فى وظيفه كبيرة بمرتب كبير ساعتها هو قالى ما تيجى عندى زيارة بجد نفسى اشوفك كلمت بابا اعتراض بس وافق فى الاخر وخدنى لففنى بلده وهدايا وخروجات كان فرحان اوى لغاية قبل سفرى بيومين لقيته ببقولى انا بحبك وقدملى هدية هوضح حاجة واحدة انا الهدايا متفرقش معايا دى اخر حاجة ممكت ابصلها بس نقطة انه يفكر فيكى دى لوحدها عندى بالدنيا انا مكنتش مصدقة لان كان فيه مشاعرة من ناحيتى بردة بس كنت بخاف ابينها رجعت مصر وانا هموت من السعادة وبعدين اخويا شاف صورة شات بينا انا وهو قالى مين داه قولتله دى واحد صاحبتى بس بتحب الفنان داه وبعدين هو حاليا هيعمل مسلسل هو من ضمن ابطاله كلمنى وقالى نفسى نتجوز عشان محتاجك كنت مصدومه قالى عارف ان صدمتك بس انا مش عايز نفضل مرتبطين فترة وبعدين نتخطب وبعدين نتجوز انا بحبك وعايز على طول نتجوز زى ما تقولوا كدا الاحداث جات سريعه و كلمت اخويا وقولتله كل حاجة مخبتش ولا حاجة واحده كان مصدوم ازاى اعمل كدا وبصراحه ضربنى قلم وشى ورم منه ومسكنى من شعرى وهو بيزعق زى ما يكون بركان وهينفجر وقالى انتى اتجننتى وفضل مانعنى من الخروج من اوضتى كام يوم لغاية ما انا حكيت لامى وقلتلها انا راحه لتاتا وسيبت البيت والدى مبيكلمنيش بعد اللي حصل فضلت عند تاتا شهرين ونص وحبيبى بيكلمتى ويقولى يارتنا كنا فى نفس الدولة كنت ساعتها هعرف اتصرف دلوقتى انا عاجز والشعور داه هيموتنى فضلت اقوله فترة وهتعدى وبعدين اخويا بعد الفترة دى كلها جيه ليا عند تاتا وكلمنى وقال انتى كسرتينى انا وابوكى انتى متخيله احنا كنا بنثق فيكى ازاى وقالى هنعرف الشخص داه منين هنعرف اخلاقه منين هنعرف اذا كان هيحافظ عليكى ولا لا ولما تزعلوا مع بعض هتروحى لمين هتحكى ليا ازاى وانا مش هبقى قادر حتى اكلمه وش لوش حتى لما تكونوا متخانقين وعايزة تروحى بيت اهلك هتروحى لمين كل داه وانا ساكته وهو كان هادى جدا وقالى انتى وصلتينى ان امد ايدى عليكى وانا عمرى ما زعقتلك حتى انتى متعرفيش مكانتك عندى احنا ملناش غير بعض فى الدنيا دى هتيجى انتى فى لحظة وتقررى تتجوزى وتبعدى عنى قالى انا عايز رد على اسئلتى وحتى لو اجابة سؤال واحد اقنعتنى انا معنديش مشكلة تتجوزية قولتله صدقنى هو كويس اوى حتى افتح النت وشوف اى اخبار عنه مفيش خبر واحد يسئ لأخلاقه انفعل اخويا بعد هدوء طويل وقالى انتى اتجننتى احنا هنجوزك لواحد نعرف اخبارة بس من النت وبعدين رجعت البيت تعاملى مع اهلى طفيف او بالاصح محدش عايز يتعامل معايا هو اللي مصبرنى وبيقولى فترة وهتعدى والامور هتتحل طبعا دلوقتى ظروف حبيبى صعبة ان ينزل مصر وانا ظروفى هنا صعبة بسبب اهلى مش عارفه اعمل ايه انا نفسيتى مدمرة باللي بيحصل