من بداية مراهقتي ما فكرت أكون علاقة

السلام عليكم انا صبيه عمري 19 سنه انا من بداية مراهقتي ما فكرت انه اكون علاقه مع اي شب زي باقي البنات لانه انا والحمدلله ملتزمه بالشرع وبخاف الله وما عمري غلطت مع اي شب حتى ولو مجرد نظره مع انه كثير شباب حاولو يحكو معي وبحس انه انحبيت من قبل كثير شباب بس مع هيك ضليت حاطه خوف الله بين عيوني وما غلطت حتى انه في شب حبني لمدة 3 سنوات وحاول بكل الطرق انه يخليني احبه بس انا ما فتحت اله مجال نهائيا وهلا انا الي شهرين بالجامعه ومشكلتي بدت انه جد حاسه حالي بحاجه لحب بحياتي لانه كل بنت وصارت بهاد العمر الا ما تكون مرت بتجربة حب لهيك انا قبل اسبوع عملت صفحه على الفيسبوك لحتى اتعرف على شباب انا خجلانه لانه بحكي هيك بس والله مو بايدي مليت من الحياه من دون احساس بالحب وحدا يهتم فيي وتعرفت على شب وما بحكي مع حدا غيره لانه هو الوحيد اللي ارتحتله وهو حكالي انه حبني وتعلق فيني وانا بحس انه حبيته وهو صارحني وحكالي انا اسف بس انا بصراحه بغار لانه عندك شباب على الصفحه وصارحته انا كمان انه بغار لانه عنده بنات عشان هيك اتفقنا انه هو يمسح البنات وانا امسح الشباب وفعلا هيك صار بس انا كثير خايفه لانه الحب من النت وهاد اشي بخوف وكمان هو من دوله ثانيه بس انا بحسه صادق كثير معي بس بنفس الوقت محتاره خايفه اتعلق فيه زياده وتتطور علاقتنا لانه هو طلب مني انه نطور العلاقه ونصير نحكي بالصوت وانا مو عارفه شو اعمل وهو بصراحه دائما بيحكيلي انه بده يتزوجني بس انا في شي مو مريحني وقلقانه من الموضوع ارجوكم ساعدوني واسفه طولت بالحكي؟