أضعت عمري في حب كاذب ومخادع

تعرفت علي شخص وعشت معه قصة حبه من اربع سنوات و الان عندي 30 سنة وعشان مجتمعنا لازم اتخطب رفضت كتير ولكن اهلي اجبروني علي الخطوبة ولكن شاء الله ان الانسان اللي اتخطبت له كان طبعه سئ وتعبت معاه وتركته ورجعت لحبيبي اللي كان واقف عاجز بسبب ظروفه ولكن بدأت المشاكل بينا كتير ولكن في الاخر ما نقدرش نبعد واكتشفت انه بيكلم بنات كتير وبيضحك عليهم ولما واجهته قالي حاجات قديمة وبيكدب كتير ومن حوالي سنتين ونص اكتشفت انه كلن بيحب واحدة تركته وتزوجت وبعد زواجها بفترة كلمته مرة اخري وكان يكدب عليها ويفهمها انه بيحبها ومش حيتجوز غيرها وهو في نفس الوقت بيكلمني وبيكلم واحدة ثالثة ولما عرفت كل ده وواجهته اتحجج بظروفه ولما سامحت واتفقنا نبدأ صفحة جديدة مع بعض ونتقي الله واني مستعدة اقف جنبه واستناه لحد ما ظروفه تتعدل وفعلا كنا مع بعض وبدا يتغير ويبقي انسان كويس وانا كنت ارفض كل من يتقدم لي واتعلقنا بعض ووقفنا مع بعض وواجهنا كل المشاكل لحد من سنة بدا يتغير واكتشفت ان حبيبته السابقة تكلمه وتشغله وكانت تحدث اهله اللي كانوت عارفني وكان رافضين وجودها وواقفين في صفي لكنها عملت المستحيل عشان تفرق بينا وكان هو متغير ومش مصدق حد غيرها واستحملت كل مشاكله وظروفه وما اتخليتش عنه وحاولت ابعدها عنه بمساعدته اهله .. وفي الوقت ده اكتشفت كدبه عليا انه لم يكمل تعليمه الجامعي ومستواه المادي غير اللي كان مفهمه ليا ورغم كده سامحت وقولتله مش حيفرق المهم تبقي انسان محترم وكويس وحاولت بكل قوايا مع اهله نشجعه يشوف حاله وشغله لكن بلافايدة البنت فضلت وراه واكتشفت انه بيكلم بنات تانية..وانا سني دلوقتي 30 وضيعت فرص كتير واتمسكت بهذا الشخص بلا تقدير منه ومعاملته اتغيرت وبقي يخلق مشاكل كتير بينا عشان بيكلم بنات كتير ورجع تاني زي ما كان واهله غير راضيين عن تصرفاته ووالدته مرضت بسببه هو مش عاوز حد يلومه ولا يعاتبه علي شئ ومسكت دلائل كتير عليها لكن ديما ينكر ويطلعني شكاكة وباعمله مشاكل ولما نتصالح احس انه فعلا بيحبني لكن ساعات احس ان مشاعر متلغبطة ونفسي اخد حقي وبافكر كتير احاول انتقم منه لكن حبي له مخليني مش عارف لا ابعد عنه ولا حتي انتقم منه مكن حد يساعدني فان اخليه يرجع كويس علي الاقل عشان والدته اللي مالهاش غيره هي واخواته وكمان لاني بحبه ومش عاوزة ااذيه حتييبقي في احترام انا حاسة انه بيحبني وديما يقول لاهله انه عاوزني انا المشكلة انه مش بيكدب عليا بس لا ده كمان علي اهله وعامل ليهم مشاكل كتير رجاء تساعدوني عشان يتغير وكمان استرد كرامتي