خطيبي شخص بسيط ومريح ويدخل القلب بسرعة

انا فتاة مخطوبة لي 6 شهور وزواجي بعد 5 شهور , خطيبي شخص بسيط ومريح ويدخل القلب بسرعة , الفترة الاخيرة مرضت وقطعته نهائيا من مكالمات ورسائل وقلت لابوي يقوله اني بنفصل عنه اتصل عليه وقاله ورفض الا يبغى يجلس معي ونتفاهم رفضت كثير لكن ابوي اجبرني بما انه زوجي شرعا من حقة يعرف وهو وعدني انه يطلقني اذا عطيته سبب مقنع , لما جاء كنت ناويه اكذب عليه لكن اهلي قالو ان كذبتي احنا بنقوله الصدق فقلت بصارحة بالحقيقة وبعدها احكم بانفصالي منه بردة فعله , قلت له انا مريضة بالقلب راضي تتزوج وحدة مريضة بالقلب ؟ ناظرني بخوف وتردد كبير قعد ساكت حوالي دقيقتين يناظرني قال تمزحين صح ترى ما قعدت 9 ساعات بالطيارة عشان ... , قاطعته و قلت شوف ربي يحبك ومرضت قبل نتزوج رسمي وقبل تدخل عليه خلنا ننفصل دام احنا باقي ع البر , رجع قال نفس الكلام اني امزح واستهبل وانا طول الخطبة جدية عمري ما مزحت معه , قلت له هذا هو سبب اصراري ع الطلاق ما ابيك تبتلش فيني ولا انا ابي اصلا احد ابلشه , نزل راسة ومسك عليه وقعد يهز نفسه توترت كثير من سكوته وردت فعله طلعت وتركته , وقال لابوي اني ابيها وما يهمني مرضها , ما اقتنعت برده ابدا متاكدة انه سوى كذا من باب الرحمة , استخرت واحس بالراحه لكن ما ادري عن راحته هو , هل ردة فعله طبيعيه ؟؟ وهل انت ترضى بوحدة مريضة قلب ؟