أنا شاب عمري 20 سنة حبيت وحدة عمرها 17

السلام عليكم اخواني واخواتي . اتمنى انكم تتفهموا حالتي وتساعدوني راح احاول قد ما اقدر اني اختصر الموضوع عشان ما اطول عليكم. انا شاب عمري 20 سنة حبيت وحدة عمرها 17 .واستمرت علاقتنا تقريبا 8 شهور. كانت علاقتنا من اروع ما يكون والله . بينت لها كل مشاعري وهي كذلك . وصلنا لمرحلة العشق واتعديناها والله . وايضا كانت العلاقه جدا جدا صداقه مافيها لف ولا دوران ولا قله حيا . ونويت اخطبها في المستقبل واتفقنا على هذا الشي. فيعني كانت علاقتنا قوية جدا لدرجه اقسم بالله ما كانت تمر ساعتين في اليوم بدون ما نتكلم . كانت دايما تصبح عليا وتمسي عليا . كانت ايام حلوة والله. فجاة البنت اتغيرت 180 درجه . الكلام هذا له شهرين ! البنت فجاة كانه جني لبسها والعياذ بالله . اتغيرت معايا واتغير اسلوبها معايا فجاة. وصارت تقلي لا تكلمني وابعد عني . وانا ما سويتلها ولا شي والله . حاولت اعرف السبب لين قالتلي . جات قالتلي اكثر من سبب! مرة تقلي حرام اتكلم مع اولاد ! بالرغم انه محادثاتنا مافيها والله ولاحرف وسخ . مرة تقلي انا طفشت . خليني انساك شوية واهتم في دراستي بعدين ارجعلك. مرة تقلي ما ابغى اكلمك . مني فاضيلك ! ابغى اهتم لصحباتي واجلس معاهم في ايامنا الاخيرة قبل التخرج من الثانوي. ومرة تقلي ما نبغى نكبر ونبني آمال على شي مو اكيد. وفي النهاية قالتلي اقطع العلاقه اللي بينا . مافي بيننا لا حب ولا شي. زعلت كثير والله صار عقلي مشوش والله. المهم رديت عليها واعطيتها على جوها. مر اسبوعين وما كلمتها . بعدين جيت رسلت رساله وسلمت عليها . ردت عليا ولكن كان رد جدا بارد . وقالتلي مرة ثانية انه ما نتكلم. نفس الكلام جلست اسبوع ورجعت لها اسأل عنها. وااله ما اقدر اجلس فترة طويلة بدون ما اكلمها . لا اراديا ارجعلها. وقالت نفس الكلام . واخر شي رجعت كلمتها وللاسف اعطتني بلوك. والله حرقت قلبي حرق . والله اني بكيت بعد االحركة هذه. ايش الحل يا جماعه ؟ ايش ممكن صاير للبنت ؟ ليش فجاة صارت كذا؟ للمعلومية . اقسم بالله عندي ادلة لا تعد ولا تحصى انها لمن قالتلي بطلت تحبني . انها كذابه . والله البنت يا جماعه كانت تعشقني . بس مدري ايش اللي حصل ومدري ليش كذا قالت . وطبعا ايضا بعد عدة محاولات تأكدت برضو انه مافي طرف ثالث . فرجاء ساعدوني . ايش اسوي ؟ اسف على الاطاله