علاقتي بها مبنية على الكذب

انا تعرفت على بنت عبر النت عبر لعبة و تطورت العلاقة بينا الى حب وقبل ما نحولها الى حب قالت لي (" انا ما بدي اظلمك معي انا ممكن ابن خالتي يتزوجني ") وانا قلت لها بما انه ممكن مو اكيد فخلينا نحاول خصوصا انه كان اشاعات مافي اي شيء بينهم او على أرض الواقع فعلا هذا اللي صار تحولت العلاقة الى حب. البنت من اول ما تعرفت عليها تحكي لي قصص اكشن تحصل معها اوقات ما كنت اصدق بين نفسي بس دائما اقول ("التمس لها العذر ممكن يكون حقيقة") المهم انفصلنا اول مرة لانه ضميري أنبني كيف اتكلم مع بنات الناس ولانه كنت خايف من قصة أبن خالها بس ما قدرت كلها أسبوعين و رجعنا . والمرة الثانية والثالثة انفصلنا لانه على اساس ابن خالتها بده يجي يخطبها و تركتها بسبب هذا و لكن ما صار هذا الشيء لانه كل مرة يصير حدث مستحيل و ما تزبط . المهم قلنا راح نحاول اخر مرة لانه على كلامها ابن خالتها قال لابوها انه لو بدها تشوف نصيبها تشوفه انا الصراحه فرحت كثير وعشنا فتره مع بعض مبسوطين جدا . طبعا انا طالب جامعي باقي لتخرجي سنتين و البنت قالت لي انها اكبر مني بسنتين و ابن خالتها على كلامها انه اخلاقه و دينه ممتازين و هو دكتور اسنان وعنده بيت و كل شيء بس هي ما بدها ياه . المهم انا قلت بدل ما اخلي البنت معي تستنى لحتى اتخرج و اتوظف و بعدها نشوف اهلي و اهلها وبالاخر اهلي او اهلها ما يوفقوا قلت لازم نحسم الامور من البداية . اما خطبة او نفترق و فعلا حددنا موعد كل واحد فينا يحكي فيه مع اهله يقنعهم انهم يوافقون . بعد باسبوع من هذا الكلام اعترفت لي انها اكبر مني ب4 سنين و انه السنة اللي عشناها سوا و قصص الاكشن كلها كذب . و سامحتها قلت بما انها كذبت بقصص مو بحبها فقلت مو مشكلة . المهم نوصل المشكلة قبل ما يصير موعد كلامنا مع اهلنا جاه ابوها ويقلها انا قريت فاتحتك مع خالك وانتي لازم توافقي على خطبة ابن خالك و ما يصير تنكسر كلمتي امام الرجال . المهم وقت قالت لي هذا الكلام انصدمت و تركتها و هذه هي المرة الرابعة . طبعا تركتها لاني ما رضيت انها تكسر كلمة ابوها قدام الرجال و قلت ما يجوز تكون مخطوبة لشب و تحكي مع واحد ثاني و ما يجوز تألف على الشب قصص مشان تتركه و ما يحق لي اقلها اتركيه مشاني لانه انا ماني ضامن موافقة اهلي خصوصا مع فرق عمر 4 سنوات . هذا الكلام قبل 20 يوم. تقريبا و حاليا انا مشتاق لها كثير بس محتار شو اعمل . اخاف ( اقلها لا توافقي و ما نقدر نكون لبعض بعدين بسبب اهلنا) و كمان ماني متحمل فكرة اننا نترك بعض . فشو تنصحوني اعمل