علاقتنا انتهت فتعرفت على صديقه

السلام عليكم انا عمري ٢٣ من السعوديه ادرس اداره اعمال مشكلتي انا قصتي طويله اتعرفت على شاب عن طريق المواقع الاجتماعي وصرت أتعلق فيه ولاحظت فيه تصرفات غريبه وبعدها تركتو واتعرفت على صاحبو عن طريق المواقع الاجتماعي وبعد ماعرف انو اعرف صاحبو قال مااقدر اكلمك وانا وافقت طبعا الموضوع دا قبل ٥ سنوات وبعدها بكم دقايق رجع كلمني يقولي صاحبي يسالني وكدا وبعدها صار يقولو اتصلت عليك ؟وصار بيقولو لا تكلمها وهي اكيد ماحتحبك طبعا صار يطنشو ويكلمني انا وصار يتعلق فيني بالزياده وكان يجيبلي هدايا في أعياد ميلادي طبعا صاحبو كلمني مارديت عليه ولا فكرت ارجعلو وهو صار متخاصم مع صاحبو مره كأنو اصحاب اكتر من اخوان بس افترقو حتى مره شاف صاحبو في العمل قالو كيف لؤلؤ رد عليه قالو كويسه بعد فتره طويله حكاني يقولي مش راضي ينساكي مش معقول ....المهم الولد دا حسيتو يزعل من كل شى ويقولي احذفي صورك بانستغرام طبعا ماابغى اتنازل منعتو قلت مااقدر وصار بيننا تخاصم وسبنا بعض وقلنا نترك بعض وبعد اسبوع كلمني يقولي احبك ومااقدر اسيبك وكدا وافقت قال اي موضوع لو يتعلق فيكي اتأثر فيه ومن دا الكلام المشكله قابلتو يوم في مكان عام اتفاجات بشكل انو اقصر مني بشوي لو لبست كعب اكون أطول ودا الشى خايفه ومش مرتاحه من الموضوع دي يعني نتخاصم على موضوع تافه وانا اعصب عليه وهو كمان وبعدها يرجعلي فتره ماكلمتو لانو جاني خطيب من بريطانيا وصار يقولي اتغيرتي عليا قلت مافي حاجه اصر عليا وقلتلو تضايق ومره شاف نمبر بوك يقولي حاطين اسمك مزه وعصب عليا وانا انصدمت والمشكله والله انو ماادري وكيف استخدام نمبر بوك وديك مره من جد زعلت منو وهو كتييير عَصّب على الموضوع دا وبعدها قالي لا تكلميني قلت اوك وبعدها اختي بالغلط دقت في برنامج عالبالها احد تاني والا عَصّب عليا ورسل صورتي لاخويا وأخويا أنصدم قالي مين دا قلتلو واحد اخد صورتي وارسلك قالس اخويا لا تكلميني وزعل مني دا الموضوع قبل سنه وطبعا الولد دا ماكلمتو وكرهتو بعدها وبعدها بااسبوع اتصل عليا مارديت وصار يتصل ببرامج وسويت بلوك واتصل على رقم غريب يقولي سامحيني قلتلو لا تتصل عليا ماابغاك قلتلو نترك بعض وصار يترجاني كان هو بمصر يدرس يكمل وبعدها مارديت عليه وجاء السعوديه علاطول قالي انا بجده كنت منفعل بموضوع النمبر بوك وصار يتأسف مدري فين كان عقلي وصار يدعي على نفسو من بعد ديك مره كرهتو حتى لو يكلمني بكلمو عادي وطلب يدي ورفضت علاطول دا الموضوع قبل سنه وبعدها يكلمني وانا أرد عادي وبعدها رجعنا بعد فتره طويله وصرنا نتقابل والحين هو اخد شهادتو هو يدرس بحري مره قالي ووعدني يشوفني نتقابل اتقابلنا وبعدها قالي نتقابل فقالي سيارتي اتعطل ومابعرف ايش زعلت وعصبت عليه ماقدرت امسك اعصابي مره اتنرفزت واليوم الي بعدو نفس الشى قلتلو الي يريحك مش مشكله وبعدها قلتلو طالعه مع صحبتي قالي فين وانا مااحب احد يسال فين ومع مين عصبت عليه وهو كان اعصابو بارده قلتلو نترك بعض ماابغى اكمل معاك مني عارفه ايش اعمل مع الشخص دا الصراحه حتى قالي اول ماخد الرخصه حتقدملك قلتلو ماابغاك وصرخت عليه بس مني عارفه ايش اعمل وايش اسوي عشان يبطل يعصب ويتعدل ويكون إنسان كويس اخلاقو ؟؟ بلييييز ساعدوني ومعليش عالاطاله وجزاكم الله خير