احب ام صديقتي عاطفيا ماذا افعل

السلام عليكم احب ام صديقتي عاطفيا ماذا افعل فانا بنت عمري 16 سنه صف ثاني ثانوي ومشكلتي زادت كثييرر من كنت 3 متوسط وهي التعلق العاطفي والكثير يعرف ان التعلق العاطفي يكون اغلبه مع الجنس الاخر لكن انا لا،، كل مافي الأمر انني احب ام صديقتي جدا جدا جدا وبكل مافيني حب حبيتها دائماً احفظ صوره لها بجوالي وكل ماضقت اروح اشوفها حرفيا هي سعادتي بس هي ماتعرف قد ايش احبها واعزها واموت فيها وبقول السبب وراء حبي لها هو انها حنونه جداا جداااا وبشكل كبير وهي طبيبه نفسيه وهذا الي خلاني احبها اكثر لانه حلمي من زمان

المدرسه طلبتها في يوم الصحه النفسيه وسلمت عليها وعرفتها بنفسي وحضنتني 3 مرات مااحكي لكم كيف عشت الاسبوع بعد ال3 الاحضان هذي، عشتها في حاله من الاشباع العاطفي حسيت اني شبعانه صدق وسعيده ومستقره وماني مشوشه وحرفيا مرتاااحه وكانت اكتافي تعورني من قوة حضنها الي الله لا يحرمني منه وبعد كذا جات عشان تستأذن لصديقتي وبرضو حضنتني وانا مبسوووطه بس مخفيه شعوري عنها وعن صديقتي وعن الكل

الموقف الثالث الي علقني فيها زياده وهو رحت من المدرسه لبيت صديقتي مشي لانه قريب ووصلنا بس ناخذ جوال صديقتي ونمشي وهي قالت لصديقتي تدخلني انا وصحباتي عشان تسلم علينا وهي كانت م حفظتني ولاحفظت اسمي وذاك اليوم عرفتني وحسيت اني سبشل عن الكل لان الباقي تنسى مين هم! وصديقتي راحت تجيب اختها مع صديقاتي الي جينا سوا وانا بقيت لحالي بالبيت معها وخلتني انام في حضنها برغم ان الساعه كانت 10 الصباح يعني بدري وكانت تكلمني واحسها مرره متقبلتني وانا ذاك اليوم مررره كنت مرتبكه وبقوه لدرجة الغباء اهخخ كل مااتذكر اليوم ذاك اصدع من الخجل!!

المهم نيمتني في حضنها وانا مستحيييه بس اخفي شعوري وكانت تحاول تكلمني وانا مو عارفه ارد وتحط يدها ع ضهري ورقبتي وانا يزيد تعلقي فيها حرفيا عذابب وكلمت ماما وقالت اني بنتها وتسلم تربية ماما لي اني مأدبه وشاطره وكانت تختبر تصرفي هل باأكلم امي اني عندها أو لا والحمد لله نجحت في الاختبار و سلمت عليها ورحت بيتي وهي سلمت علي وحضنتني كالعاده بقوه وقالت رقمي عندك إذا تبي اي شيء قوليلي (قالت لي كذا بكل حنيه) حسيت اني غبيه لان ماما وبابا حرفيا مو مقصرين معاي بشيء ويجيني تأنيب ضمير على اهلي انو انا حبيت احد أكثر منهم بس عائلتنا بشكل عام ماتهتم للعاطفه واني انا بمرحله احتاج الحضن ومسك الايدي والابتسامه و العاطفه بشكل عام وانا أنثى والأنثى عاطفيه وتحتاج حب أكثر من أي أحد

فاأنا ابغى افك تعلقي فيها وبنفس الوقت احتاج كذا أحضان ومستحيل اطلبها من احد هي عطتني أحضان بدون م اقول لها فاا ممكن تعلموني وش اسوي انا صرت انام واصحى على طاريها وهي الله اعلم يمكن تعرف اني احبها يمكن لا(فكرت اجيب لها هديه تعبر عن حبي لها لكن بنتها صديقتي فاأنا كنسلت الفكره لان صديقتي بتعرف اني احب امها وتغار ع مامتها ومن ذا الكلام) تكفون وش اسوي انا تعبت