اهل خطيبي سيئين فهل أفسخ الخطوبة ؟

السلام عليكم انا فتاه في تانيه جامعه احببت شخص وانا في ثانيه ثانوي واتقدم كتير واهلي رفضوه لان عيلته مش كويسه هو ليه ابن عم حرامي ودايما مسجون واخوه متجوز اتنين وواحده ماتت من قهرتها انه اتجوز عليها وغير كدا هو كان ناصب ع ناس من بره مصر وكان اتسجن لحد ما رجعلهم الفلوس بس انا اتمسكت بالشخص ده وصمتت عليه خلصت تالته ثانوي وهو اتقدم اهلي رفضوا ومع تصميمي عليه وفقوا واتخطبنا بس لما اختطلت بقا بااهله حسيت بنقص حسيت ان مش دول الناس اللي هقدر اعيش معاهم بس استحملت وقولت المهم هو انا كدا كدا هبقا مش في بيت مامته بس هسكن جمبها بس الكل قالي اطفالي هيتربوا زي ما هما بيربوا اطفالهم متحوليش تنكري لان دول هيبقوا عليتهم المهم محطتش كلامهم فدماغي وقولت انا هقدر اربي اولادي كويس ودخلت الجامعه وبدات انضج حسيت اني غلطت فاختيار الحب بس من حبي فيه قولت اطرد الافكار دي من دماغي هو مش جامعي هو معاه دبلوم وبعد الخطوبه بفتره طلب من ماما فلوس سلف عشان يعمل بيهم حاجه وقالها هجبهملك فشهر كذا ماما قالتله ماشي هما كدا كدا دول فلوس جهازها لما احتاجهم ابعتهم قالها ماشي جه الشهر اللي قال هسدد فيه وقالها كمان شهر وشهر يجر شهر لحد ما عدا ع الفلوس سنه طبعا انا اخر مره اتخنقت معاه جامد عشان انا عارفه الظروف خصوصا ان بابا متوفي من 17سنه والفلوس دي من تعب ماما ومرمتتها وكل جنيه جبته من تعب ظهرها ورجليها لدرجه انها محتاجه عمليه ومش راضيه تعملها تقول ابوكم مسبليش راجل يشيل عني وانتو خمس بنات لازم استركم وبعدين ابقي افكر في نفسي احنا الحمدلله ماما جوزت تلاته اتنين دبلين وواحده جامعه دكتوره وانا الرابعه والخامسه مشفتش بابا .. المهم انا قولتله ان الفلوس دي تعب امي ولازم يجبهم انه مينفعش كدا كدا يبقا عيل الراجل معروف بكلمته امال لما نتجوز هتصرف عليا ازاي وان فنظهرهم دلوقتي انه مش اد كلامته هو اتعصب وقال انتو بتزلوني عشان محدش من اهلي بيقف جمبي انتو مادين رغم اقسم بالله انا جيبه دهب خفيف جدا ب4الالف بس عشان قولت محدش بيعمله حاجه واهله ديما بيجرحوني بكلامهم كل مره يقولوا انه بيعملي وبيعمل بس والله هو عمره ما عملي حاجه انا اللي دايما بقول انه بيعمل عشان ميقلش فنظر حد بس تعبت من كتر ما بتنازل تعبت من كتر ما بجي ع كرمتي حاسه اني رميت نفسي عشان قلبي وعارفه اني مليش ظهر كنت بتمني انه يعوضني عن ابويا اللي مش عارفه يعني ايه اب دانا من كتر ما نفسي اقول الكلمه دي كنت بقولها لاي راجل كبير اقبله عند دكتور او حد اوقفه اساله ع حاجه مش عارفه اكمل معاه ولا لا مش عارفه هيقدر يحميني من اهله ولا لا هو بيقولي انا بحس اني مزلول ادام اهلك عشان انتي اهلك جمبك وانا اهلي مش كويسين ولما اخدت موقف عشان يثبت انه كويس لاهلي قال اني اتخليت عنه وان كلام اهلي اساني عليه وقالي لاول مره انا عارف ان اهلك مش طيقني وعاوزينك معايا بس انا مدام كدا كدا عيل انا مش هتجوز السنة دي احنا متفقين ان جوزنا السنة ادي هو عاوز يخليهم ثلاث سنين خطوبه وقالي قولي لمامتك انا بفكر اسيبه بس مش عارفه هقدر انسه ولا لا دا اول حد حبيبته وخايفه اضلمه وخايفه اسيبه ميرجعش الفلوس لامي ... معلش الاطاله