يقول لي: خطيبتي السابقة أجمل منك

خطيبى بيتكبر عليا ودايما محسسنى انى اقل منه بقالنا شهر ونص مخطوبين ومش بيكلمنى كتير غير كلمتين ويقول باى بس لما يعرف انى خارجة بيتصل كتير علشان يطمن عليا وانا مبردش عليه ومشكلتى انى بزعله كتير ومش بقدر اعتذرله بسبب طريقته معايا ساعات احس انه بيحبنى وساعات بحس انه بيتكبر عليا امبارح جه وسألته انه كان خاطب قبلى ولا لا قال انه كان خاطب واحدة احلى منى عشان يغيظنى قلتله مفيش حد احلى منى قال ان ماما واختى الصغيرة احلى منى فقلتله ان فيه واحد متقدملى وميعرفش انى مخطوبة قال عادى خليه يجى يشوفك وبعدين سأل على اسمه وبيته فين مردتش اقوله المهم ماما عملت اكل بس انا بتكسف اكل معاه وهو كان عاوز يأكلنى وانا مكنتش راضية اكل بس لما لقيته زعل اكلت علشان ميزعلش وبعدين قال انتى ازاى بتحبينى وبتعملى كده امال بعد الجواز هتعملى ايه قلتله انا مبحبش اكل كتير بالليل وقعد مبوز لحد ما مشى والنهاردة بعتلى رسالة وقال انه زعلان مني قلتله انا اسفة حقك عليا وانا مقدرش على زعلك بعت رسالة تانى وقال انه زعلان بجد قلتله لو بتحبنى متزعلش منى وبعدين انا معملتش حاجة تستاهل انك تزعل بالشكل ده معلش طولت عليكم بس انتوا شايفين مين فينا اللي غلطان