يخطبني شاب متردد ومتناقض أعطوني نصائح

مرتبطة بواحد وبحبه وبيحبنى وجه اتقدملى والخطوة الجاية قراية الفاتحة ان شاء الله ... المشكلة انى خايفة منه اوى بيجيلى إحساس خوف كبير وتوتر كل فترة دة بسبب التعامل مابنا مش مستقر .. بحس اننا عكس بعض فى حجات كتير ودايما على خلاف ... طول الوقت فى مناقشتنا بنختلف واهتمامتنا مش واحدة ودة شئ مخوفنى ... بحس احيانا انه انانى مش بيقدر يجى على نفسه عشان راحتى وسعادتى ... دايما بيحسسنى انه صاحب القرار الاول والاخير حتى لو فتح باب المناقشة.ومشكلة تانية كبيرة بحس بيها معاه هى التناقض .. كتيييير بيقول الحاجة وعكسها يعنى ممكن يكون النهاردة له وجهة نظر معينة وبعد فترة يبقى عكسها تمامااااا والمشكلة انه مش بيحس انه بيعمل كدة.انا بحبه جدا وبتعب اوى لما بنبعد عن بعض وهو بيحبنى بس طريقته افكاره كلامه بيخوفنى على مستقبلى معاه. احيانا بيبقى كويس اوى معاياااااا وأحس اننا مرتاحين واوقات تانية بحس انه بيبعد عنى اووووى بمشاعرهانا مش عارفة اعمل ايه ... اكمل فى المجازفة ان الايام هتطبعنا بطباع بعض وبردو لما الخطوبة تتم هنعرف نشوف بعض ونتواصل اكتر والتفاهم هيزيدولا ابعد ومارهقش نفسى فى مجازفات نتايجها مش مضمونة.انا بخاف نكون محسودين مثلا وانها فترة وهتعدى وفى النفس خايفة يكون لا وان فعلا احنا اتنين التفاهم بنا صعب وكمان صعب تغيره الايام..... وبقول أحيانا لنفسى ان الواحد بيبقى فى علاقة يفرح ويرتاح بيها مش يشيل همها .... انا لو بعدت عنه هتعب اوى ... ومبقتش عارفة الوضع يستاهل انى اكمل فى مجازفة الله العالم بنتايجها ولا لا .... اعمل ايه ؟؟؟؟!!